Miembro Tweede Kamer ta cuestiona promesa di Eman na comunidad Latino

Posted on 09/13/2017 11:51 am AST | Updated on 09/13/2017 12:48 pm AST

DEN HAAG - E discurso recien di ministernan Mike Eman y Benny Sevinger durante un evento pa latino a hala atencion na Hulanda. For di e evento ey, a sali un video cu a circula riba internet. Basa riba e video aki, miembro di Tweede Kamer  di Hulanda Andre Bosman a haci 5 pregunta na minister di relacionan di Reino Ronald Plasterk (PVDA). Esaki pasobra durante e video por mira cu e mandatarionan ta haci cierto promesanan na e grupo latino, y ta cuestiona cu esaki por ta algo positivo. 

PREGUNTANAN

Bosman, conoci pa ta un di e miembronan critico di Tweede Kamer, ta cuminsa na puntra e mandatario Hulandes si e conoce e video cu yama ''HAATZAAING TEGEN NEDERALAND DOOR THE AVP OP ARUB'' Tambe ta puntra te na unda ta posibel cu e pasaportenan priminti pa prome minister Eman, por wordo entrega dentro di tres aña. Bosman ta sigui puntra con e proceso ta pa bin na remarke pa un pasaporte di Reino Hulandes y kico ta e condicionan mara na esaki. Tambe, por ta e pregunta mas crucial, te na ki dimension ta deseabel cu un paspoort di Reino Hulandes posiblemente ta wordo reparti como un regalo pa un re eleccion (pa e partido berde). Y finalmente, ta haci e peticion pa ricibi un contesta pa dia 20 di september pa 5'or di atardi, ora di Hulanda. Wak e respectivo video AKI.

 

  • Ronneke Kats a termina 4 Daagse di Nijmegen cu exito

    Ronneke Kats a termina 4 Daagse di Nijmegen cu exito

    NIJMEGEN - E representante pa fundacion Zinnia Croes h #amigodidi den e caminata mas popular di Hulanda esta e Nijmegen Vierdaagse, Ronneke Kats a completa su meta diabierna. Despues di 4 dia y 160km cana, Kats a raporta na NoticiaCla cu e ta satisfecho di a logra su meta. "Mi ta cla. Mi a haya hopi reaccion 'leuk'" Kate a bisa. Loke a hala su atencion ta riba e ultimo dia con Rubianonan riba e ruta tabata grita 'Fundacion Zinnia'. Hopi apart" Kats a sigui bisa. E caminata a cuminsa diamars y termina awe diabierna. Kats ta un di e hopi Rubianonan cu tambe a participa (tabatin militar y douanero di Aruba), pero e unico cu a representa e fundacion. Zinnia Croes ta e hobencita cu na 2015 a wordo alcansa pa un auto y cu a fayece a consecuencia di e heridanan ricibi. Loke a haci e caso mas serio ta cu e auto tabata maneha pa un polis cu lo tabata bou di influencia. Lo tabata, pasobra legalmente no por a proba cu e polis tabata bou di influencia di alcohol. Recientemente huez a haya e polis culpabel pa e morto di e hobencita, aunke pa motibo di fayo den e investigacion, no por a proba legalmente cu e tabata bou di influencia di alcohol. 

  • Comunidad Caribense rabia tocante pronunciamento di Blok: pidi despensa y tuma retiro

    Comunidad Caribense rabia tocante pronunciamento di Blok: pidi despensa y tuma retiro

    DEN HAAG – “Actitud indigno pa un minister di Asuntonan Exterior’, asina OCan ta yama e pronunciamentunan di minister Stef Blok (VVD) tocante Surnam i e comunidad multicultural. E fundacion na nomber di comunidad Caribense ta exigi despensa i un combersacion cu gabinete.

  • Produci producto local no ta mas barata cu si importa nan

    Produci producto local no ta mas barata cu si importa nan

    DEN HAAG – E produccion di productonan local den Caribe Hulandes (manera Aruba) di p.e. berdura y fruta of otro producto pa cultivo den cura, no ta no ta aporta na reduccion di gastonan di bida. Asina un rapport recien publica na Hulanda ta bisa. Asina e portal Koninkrijks relaties ta raporta diahuebs. No obstante e rapport aki, gabinete Hulandes a reacciona bisando cu pa promove produccion local como arma pa bringa pobreza.

  • Representante Fundacion Zinnia na 4 daagse na Nijmegen hayando hopi atencion

    Representante Fundacion Zinnia na 4 daagse na Nijmegen hayando hopi atencion

    NIJMEGEN – Un di e participantenan di e 4 daagse di Nijmegen esta Ronneke Kats, a termina su prome dia di e caminata cu exito. E ta representando fundacion Zinnia den e caso aki, y a splica NoticiaCla cu riba e prome dia, e la topa cu e militarnan di defensa di Aruba y Corsou. Tur cos a bay bon riba e prome di 4 dia. Segun Kats, e prome dia a bay bon. E ta canando cu e bandera di Aruba.”Y pa e motibo ey mi ta hayando hopi reaccion” Kats a sigui bisa. Kats a splica tambe cu hopi hende ta conoci cu su meta pa cual e ta canando, esta fundacion Zinnia. “Un di e militarnan di defensa mesora ora cu el a wak mi, a grita ‘Fundacion Zinnia, bo ta haciendo un bon trabou’” Kats a sigui bisa. Keda pendiente pa mas di e cobertura aki.

  • Fayo tecnico den produccion na Hulanda di paspoort Hulandes

    Fayo tecnico den produccion na Hulanda di paspoort Hulandes

    ORANJESTAD – Durante e produccion di paspoort Hulandes na Hulanda, den lunanan di april, mei y juni, a sosode un fayo tecnico. Asina gabinete di Gobernador y Censo a bisa diamars den un comunicado. Segun e comunicado, door di e fayo aki, tin e posibilidad cu den algun di e paspoortnan e caracteristicanan electronico di autenticidad den e chip, no ta funcionando. No tin ningun indicacion cu e fayo di produccion aki lo a causa problema na frontera, ora di controla e paspoort. E paspoortnan ta keda valido, aunke tin e fayo den e chip. Ta trata solamente di paspoortnan cu a wordo produci den e periodo di april, mei y juni 2018 cu e numero serial ta caba cu 3. E numero aki bo por wak e riba e parti dilanti di e pagina di e tenedo di paspoort banda robes ariba.

  • Gobierno Hulandes ta inverti 30 miyon euro den islanan BES

    Gobierno Hulandes ta inverti 30 miyon euro den islanan BES

    DEN HAAG – Gobierno Hulandes a pone 30 miyon euro disponibel pa inverti den islanan BES. E prioridad lo ta mehoracion di e perspectiva economico door di drecha infrastructura, y bringa pobreza. Asina minister Houten y Secretario di estado Knops a skibi Tweede Kamer den un carta diabierna. .

  • Powered by SETAR