4.500 cacho y pushi sterilisa cu subsidio 'Stimami Sterlisami'

ORANJESTAD -  Te awor 4,500 cacho y pushi a opera cu subsidio di e programa 'Stimami Sterilisami'.   Asina e patrocinador Bucuti & Tara Beach Resort,- cu na fin di 2015 a lansa e proyecto di ‘Stimami Sterilisami’- a declara den un comunicado.  E tabata un plataforma sumamente exitoso, unda cu a traha cu tur veterinario, conhuntamente cu fundacionnan pa asina motiva pueblo di Aruba pa trece cacho crioyo y pushinan pa sterilisa. 

E PROYECTO

Bucuti & Tara Beach Resort, na fin di 2015 a lansa e proyecto di ‘Stimami Sterilisami’ pa asina yuda nos isla frena e problema aki. Un plataforma sumamente exitoso, unda cu a traha cu tur veterinario, conhuntamente cu fundacionnan pa asina motiva pueblo di Aruba pa trece cacho crioyo y pushinan pa sterilisa. Den e siguiente fase di ‘Stimami Sterilisami” na 2017, a opta pa enfoka riba fundacionnan oficial cu ta traha duro diariamente pa salba cacho y pushi di caya na Aruba. Den e siguiente fase di ‘Stimami Sterilisami” na 2017, a opta pa enfoka riba fundacionnan oficial cu ta traha duro diariamente pa salba cacho y pushi di caya na Aruba. 

PROBLEMA

Ya pa añanan largo Aruba tin problema cu populacion grandi di pushi y cacho di caya. E solucion no ta pa hiba e bestianan aki ‘kill cage’. Pero e solucion real ta pa frena e problematica di e multiplicacion di un promedio di 11.000 cacho y pushi den un periodo di 5 aña. E unico manera ta pa sterilisa tur cacho y pushi na Aruba.