E di 34 Conferencia ATCA ta otro siman na Aruba

E di 34 Conferencia ATCA ta otro siman na Aruba

Posted on 09/8/2017 4:11 pm AST | Updated on 09/8/2017 10:06 pm AST

ORANJESTAD -  Un biaha mas Aruba Tourism Authority ta cla pa ricibi mas cu 55 participante principalmente for di e mercado di Norte America pa e ‘Annual Tourism Conference of Aruba’ (ATCA) cu ta tuma luga di 11 di september te cu 15 di september 2017. E participantenan lo consisti di tour operators, aerolineanan local y internacional, hoteleronan representando Aruba den e mercado di Norte America como tambe participantenan local y e ekipo di A.T.A..

KICO TA ATCA

Tur socio y agencianan tin como meta comun pa bende Aruba den exterior. E obhetivo di ATCA ta pa brinda posibilidad pa reforsa e conocemento di Aruba na e ehecutivonan y pa sigui traha riba e relacionnan cu e socionan, enfocando asina riba oportunidadnan cu por enrikece nos mercado turistico. Ademas, participantenan ta comparti practicanan cu ta exitoso, nan metanan strategico, y ta alinea cu A.T.A. su oficina na Aruba entre otro.

Reunionnan manera esaki ta importante y ta duna un bista strategico riba e aña binidero pa cu Aruba su mercadeo den exterior y den e caso aki den e continente cu ta produci mas bishitante pa nos isla esta Norte America.Pa 2018 tin proyecta un crecemento di 3.6% pa Merca y 3.0% pa Canada, resultando den un cremento di 3.6% pa cu Norte America pa 2018. Claro esaki ta tene cuenta cu kier atrae esnan cu tin entrada pa por paga un vacacion na Aruba y por laga mas atras den nos economia.

PROGRAMA 

Dialuna anochi lo tuma luga un recepcion na honor di e participantenan di ATCA cu palabranan di bonbini di entre otro ehecutivonan di Aruba Tourism Authority, Aruba Hotel and Tourism Association y Aruba Airport Authority N.V. 

E apertura oficial lo inicia diamars mainta na unda Aruba Tourism Authority hunto cu Aruba Hotel And Tourism Association AHATA ta yama bonbini na tur e participantenan di ATCA. Esaki lo tuma luga en combinacion cu e celebracion di World Tourism Day 2017. Despues di un palabra di bonbini door di Minister di Turismo, Transporte, Energia y Ambiente, sr. Ing. Mike de Meza, e participantenan lo atende e conferencia di WTD 2017 cu oradornan invita y invitadonan- partnernan local y internacional unda lo elabora riba topiconan manera: “A.T.A.’s Strategic Direction for 2018: The Big Picture”, di Ronella Tjin Asjoe-Croes, CEO A.T.A. / “Mapping Aruba’s Competitiveness on the Global Scene: what data tells us”, di Olivier Henry-Biabaud, CEO Tourism Competitive Intelligence / “Evolution of the North America Creative Campaign”, introduci door di Sanju Luidens, CMO A.T.A.  y finalmente “Authentic Aruba: A first look at the Strategic & Creative Evolution”, unda Gregg Wasiak y John Speers di The Concept Farm lo elabora.

Atardi e participantenan di ATCA lo atende actualisacionnan di e team di A.T.A. cu topiconan di Aruba Destination Development Plan 2017-2021 (Cu Mira pa Futuro–DDP) / Cumplimento pa cu Turismo / Gateway 2013-Proyecto expansion di nos aeropuerto y finalmente e desaroyo di e rutanan aereo 2017-2018.

Diaranson lo bay tin inspeccion na diferente accomodacionnan y parti atardi lo sigui cu e vitrina (marketplace) turistico, cual ta e parti mas importante di e conferencia aki, unda negociacion entre diferente partner local y di e mercado Norte America lo tuma luga. Durante e vitrina lo profundisa y comparti informacionnan riba nivel di strategia y tambe iniciativanan di mercadeo enfocando riba inteligencia, innovacion y integracion.

Diahuebs lo sigui cu vitrina turistico y naturalmente durante e programa, e participantenan ta wordo ofreci pa conoce nos isla atravez di jeep tour/ catamaran etc. durante nan estadia pa asina nan por aprecia e adelanto di e esfuersonan cu ta haci nos isla mas atractivo pa e turista. ATCA lo termina cu un celebracion di clausura cual evento lo tuma luga na Linear Park.

  • Ruiz: Ainda no tin fecha pa ley di LAFT drenta Parlamento

    Ruiz: Ainda no tin fecha pa ley di LAFT drenta Parlamento

    ORANJESTAD – No ta conoci ki dia e ley di LAFt cu ta regula e autoridad di e colegio di supervision financiero ta yega Parlamento pa tratamento. Asina minister di finanza Xiomara Ruiz a bisa NoticiaCla. Cu esey, gobierno ta canando por lo menos 3 luna laat, ya cu pa e propio protocol cu Aruba a firma cu Hulanda, esaki mester a keda trata prome cu fin di aña pasa. E mandatario a sigura cu e ley ta na caminda si, y cu Parlamento tin autoridad pa haci cambio. Pero si Hulanda ta bay di acuerdo cu ne, ta otro cos. 

  • KVK a entrega su ‘zienswijz’e riba e concepto ROP

    KVK a entrega su ‘zienswijz’e riba e concepto ROP

    ORANJESTAD – Diabierna merdia 15 di maart 2019 Camara di Comercio y Industria (KvK) a entrega su zienswijze riba e concepto ROP. Asina e gremio a splica den un comunicado diamars. Esaki ta un documento cu manera e proceso di formalisacion di e ROP ta prescribi, ta wordo entrega pa trece puntonan remarcabel dilanti cu mester claridad den e concepto ROP. Sr. Kawish Misier, presidente di directiva di KvK y sra. Sonja Velthuizen, directora di KvK a bay personalmente pa haci entrega oficial di esaki.

  • BCA contento cu e publicacion di Cuentanan Nacional nobo door di CBS

    BCA contento cu e publicacion di Cuentanan Nacional nobo door di CBS

    ORANJESTAD - Banco Central di Aruba (BCA) ta contento di tuma nota cu CBS a reanuda su publicacion oficial di e Cuentanan Nacional, despues di a publica esaki nan pa e delaster biaha na an?a 2011. Asina e instituto financiero a informa pa medio di un comunicado di prensa.  Segun BCA, Aruba atrobe ta dispone asina di informacion indispensabel riba tereno di economia di nos pais, esta e producto domestico bruto (PDB) y su composicion, calcula na e manera mas precies posibel.

  • Felicitacion di Romar Trading pa TOB

    Felicitacion di Romar Trading pa TOB
  • KVK: Empresarionan preocupa cu concepto di R.O.P. nobo

    KVK: Empresarionan preocupa cu concepto di R.O.P. nobo

    ORANJESTAD – Durante e evento recien di Camara di Comercio (KVK) esta e Town Hall Meeting, empresarionan a mustra hopi preocupacion relaciona cu e ROP nobo. Asina e gremio a laga sa den un comunicado diaranson atardi. Segun Kvk, diamars 12 di maart 2019 den un auditorio completamente yen Camara di Comercio y Industria di Aruba (KvK) a organisa su Town Hall Meeting riba e topico di ROP. KvK a keda hopi satisfecho cu e gran presencia mirando cu esaki ta indicacion cu e concepto di ROP tin hopi aspecto cu mester mas claridad of cu pueblo no ta di acuerdo cune. KvK su intencion pa e evento no ta pa duna un presentacion of duna comentario riba e concepto ROP pero pa scucha y tuma nota di tur e opinionnan di esnan presente. KvK tin un carta di zienswijze caba den preparacion, y lo inclui e puntonan cu resalta durante e Town Hall Meeting den su carta. KvK kier gradici tur esnan presente pa comparti nan pensamento y di e forma aki expresa e preocupacionnan cu ta reina den pueblo y en particular e comerciante encuanto e concepto ROP.

  • Inversionistanan Venezolano ta tras di proyecto hotelero Embassy Suites

    Inversionistanan Venezolano ta tras di proyecto hotelero Embassy Suites

    ORANJESTAD – E grupo tras di e proyecto hotelero anuncia ayera pa Hilton y raporta pa NoticiaCla, ta di Venezolanonan cu ta inscribi na Camara di Comercio bou di e nomber Natura Development II NV (tin tambe Natura), cu e nomber Joan Manuel Fereira, di nacionalidad Venezolano. E compania aki, mescos cu e caso di e Hilton existente (Hilton Aruba Caribbean Resort cu ta propiedad di Aruba Growth Fund) , tambe a pidi e cadena hotelero Hilton pa maneha e hotel aki pa nan, y Hilton a bay di acuerdo. Solamente cu den e caso aki Hilton ta haci’e bou di nan otro bandera esta Embassy Suites by Hilton. Mientrastanto e representante di Natura Development II, Fernando Fuiano, a bisa “Nos ta spera di traha hunto cu Hilton pa introduci Embassy Suites di Hilton na nos isla bunita di Aruba”. Segun Fuiano, ‘ E localidad di e resort dilanti di Eagle beach, combina cu e amenidadnan acostumbra di e marca, y e suitnan espacioso, lo prove e biahero un acomodacion de luho den e area hopi solicita aki di Eagle Beach”.  

  • Powered by SETAR