AAA: Tur buelo for di Florida pa Aruba cancela pa horcan Irma

ORANJESTAD/ MIAMI - Tur buelo for di Florida pa Aruba a cancela e fin di siman aki. Tur esaki relaciona cu e posibel pasada di horcan Irma riba Florida e weekend aki. Vocero di aeropuerto Hendrik Croes a confirma na NoticiaCla cu tin cancelacion di buelonan di American Airlines, Aruba Airlines y Southwest Airlines for di Miami, Fort Lauderdale y Orlando pa awe, mañan y diadomingo. "Aeropuertonan di Fort Lauderdale y Miami a sera full mes" Croes a sigui bisa. Buelonan di otro partinan di Merca si ta sigui te asina leu cu e informacion a wordo duna. Mientrastanto no ta conoci cuando Arubiano ta residencia na Florida, y cu ta den e trayectoria di e horcan. NoticiaCla tin contacto cu algun di nan, y lo ta pendiente pa e pasada e fin di siman aki.