'Aruba Endurance Festival' den luna di October!

'Aruba Endurance Festival' den luna di October!

Posted on 09/8/2017 3:51 pm AST | Updated on 09/8/2017 10:16 pm AST

ORANJESTAD - Despues di su aña inaugural cu hopi atleta local y internacional “Challenge Aruba Triathlon” ta regresa pa su di dos edicion cuminsando dia 20 di october te cu dia 22 di october 2017. E expansion di e evento ta introduci diferente elementonan nobo durante 3 dia manera e Fit Ville Caribbean (CrossFit Games) , Aruba Kids Splash & Dash, RunWalk 5km, Seminarsionan y e Sport Expo. Tur esaki lo ta riba y cerca di e parking lot di Hyatt Regency Aruba Resort. Durante tur anochi lo tin un tremendo festival di musica y cuminda cual ta forma parti di e ‘Beer Garden’. Durante un rueda di prensa diahuebs ultimo na Wet Sushi Bar & Lounge na Paseo Herencia e organisadornan a comparti tur e informacionnan valioso cu miembronan di prensa, voluntarionan, atletanan y patronisadornan. E programa expandi ta duna mas persona e posibilidad di participa cual ta inclui tambe muchanan y hobennan activo. E programa completo ta disponibel riba challenge-aruba.com Ya caba atletanan di rond mundo y localnan a cuminsa registra pa e diferente eventonan. E proyeccionan ta mustra cu e aña aki lo surpasa e cantidad di atleta participante. Pa loke ta trata e parti di e triathlon e atletanan por escohe for di diferente opcion manera: half-triathlon, half-triathlon relay, sprint-triathlon or sprint-triathlon relay. Ta importante pa tur atleta pa e seccion aki registra promer cu dia 1 di october mirando cu esaki lo ta e ultimo dia pa registra. Por registra via www.challenge-aruba.com Proximamente lo amplia riba cada un aspecto di e “Endurance Festival”. E festival ta wordo prensenta pa CHALLENGE FAMILY, THE ARUBA TOURISM AUTHORITY, HYATT REGENCY ARUBA y THE ARUBA MARRIOTT RESORT. Otro patronisadornan ta: Tierra del Sol, De Palm Tours, Divi Hotels, Tropicana Hotel, Caribbean Mercantile Bank, Hilton Aruba Resort, Cool FM, Total Services, De Cuba & Wever, Aruba Wine & Dine, Aruba Aloe, IMC, Ennia, Jet Blue, Compra NV, La Cabana Hotels, Queen Beatrix Airport, Amsterdam Manor, Paseo Herencia y ASD.

 

  • Arubiano Denzel Dumfries ta firma cu PSV pa 5.5 miyon euro

    Arubiano Denzel Dumfries ta firma cu PSV pa 5.5 miyon euro

    EINDHOVEN - Ex seleccionado di Aruba, Denzel Dumfries a bay e gigantenan di PSV pa un suma di 5,5 miyon euro te cu 2023. Ya caba e la pasa su control medico. Denzel a hunga e ultimo temporada cu SC Heerenveen. Potret cortesia PSV

  • Prome transmision di futbol Rusia 2018 a cuminsa awe na SETAR Sero Blanco

    Prome transmision di futbol Rusia 2018 a cuminsa awe na SETAR Sero Blanco

    ORANJESTAD - Awe mainta tempran Telearuba a transmiti FIFA Copa Mundial Rusia 2018 ta “live” na oficina di SETAR na Seroe Blanco. E weganan ta andando te cu e ultimo wega awe tardi Portugal Spaña. Amantenan di Futbol Mundial Russia por sigui SETAR su Facebook pa mas informacion. E proximo transmisionnan LIVE na SETAR Sero Blanco lo ta dianan 22 y 28 di juni 2018 y dia 11 di juli cu e weganan semifinal. SETAR ta recorda tur hende riba e campaña di Russia 2018 special pa tur cliente di SETAR Complete ta participa pa gana un SmartTV. Durante e transmision diahuebs dia 28 di juni lo anuncia e 3 ganadornan. Si ta desea di sa mas di SETAR Complete por tuma contacto na telefon 525-1702.

  • Prome wega di FIFA World Cup 2018 presenta den gran forma

    Prome wega di FIFA World Cup 2018 presenta den gran forma

    ORANJESTAD - Diahuebs mainta a inicia FIFA World Cup 2018 y Telearuba a transmiti en BIBO e prome wega entre Rusia y Saudi Arabia for di e cantina di Aruba Bank. Tanto Aruba Bank como tambe Telearuba ta masha contento di por a trece e prome wega pa pueblo di Aruba via television y cu naracion na papiamento.

  • SETAR cu transmision na SETAR Seroe Blanco pa Rusia 2018

    SETAR cu transmision na SETAR Seroe Blanco pa Rusia 2018

    ORANJESTAD - SETAR, como sponsor principal di FIFA Copa Mundial Rusia 2018, ta invita un y tur pa bishita SETAR Seroe Blanco durante e transmision di Telearuba diabierna dia 15 di juni y 22 di juni 2018 cuminsando for di 8’or di mainta en adelante. Tambe diahuebs dia 28 di juni for di 10’or di mainta y diaranson dia 11 di juli pa 2’or di merdia.

  • Aruba Growth Fund su miembronan a participa den KLM Aruba Marathon

    Aruba Growth Fund su miembronan a participa den KLM Aruba Marathon

    ORANJESTAD – E grupo mas grandi dentro di e prome edicion di KLM Marathon, diadomingo mainta 3 di juni, cu comienzo y final na Palm Beach, a pertenece na e grupo di Aruba Growth Fund. E grupo a consisti di 170 colega, cu a participa den tur categoria y a logra resultado impresionante.

  • Joel Kuiperi ta gana Plata den XI Juegos Suramericanos na Cochabamba 2018

    Joel Kuiperi ta gana Plata den XI Juegos Suramericanos na Cochabamba 2018

    COCHABAMBA - Den e di XI Juegos Suramericanos cu a wordo teni den e ciudad di Cochabamba, Bolivia e atleta Joel Kuiperi ta marca historia den e deporte di weightlifting ta logra gana medaya di Plata pa pais Aruba. Joel cu a bai bon prepara a hisa den categoria di mas di 105kg mester a bataya duro contra e atleta di Argentina pa logra gana e medaya di Plata aki. Den su hisadanan Joel ta logra den snatch 144kg, clean & jerk 175kg pa un total di 319kg. cu e hisadanan aki Joel ta logra kibra 3 record di Aruba cu tabata riba su propio nomber. Den snatch cu 1 kg, clean & jerk cu 5kg y Joel su mihor total den competencia internacional tabata 310kg y na Cochabamba 2018 ta total 319kg. Ganador den e categoria di mas di 105kg, medaya di Oro a bai pa e atleta di Ecuador Anderson Calero cu 365kg, Medaya di Plata Joel Kuiperi di Aruba cu 319kg y medaya di Brons pa Alejo Solito di Argentina cu 318kg.

  • Powered by SETAR