Prome bapornan militar a yega St Maarten

PHILLIPSBURG - E prome bapornan di marina real a yega St Maarten awe tardi. E situacion mientrastanto riba e isla ta asina serio cu mester di mas personal, awa y cuminda. "Debi na e horcan Jose, tin un 'bentana di oportunidad chikito' unda cu unidadnan di marina por wordo ubica y e material necesario por wordo presenta. 

MAS AYUDO

Awe nochi a sali rumbo pa Corsou, dos avion militar, un KDC-10 y un C-130 Hercules di Marina Real pa transporta material extra y mas marinier. Ta trata aki di 100 militar di e asina yama Marine Spearhead Task Unit, un unidad cu por instala su mes hopi liher pa situacionan no spera. Nan lo ta primordialmente ocupa cu ayudo y asistencia unda cu ta necesario. Banda di esey, ta hiba awa y cuminda pa 40.000 hende pa 5 dia largo.  For di Corsou, lo crea un brug aereo entre e isla destrosa y Corsou, ya cu e avionan aki por aterisa riba terenonan primitivo y no bon alcansabel.

DESTRUCCION

E destruccion ta na gran escala, primordialmente di infrastructura y habitantenan no ta dispone di awa potabel.  Fuente: Marina Real.