Glenbert Croes: Gabinete Eman culpabel pa debe redobla den 5 anja

ORANJESTAD – “Aruba a habri e siman nobo aki cu gobierno di Aruba bao curatela pa prome biaha den historia”. Asina miembro di fraccion di partido MEP, Glenbert Croes ta mira e situacion politico actual. E ta sinti deshonra y berguensa grandi pa henter nos pueblo cu a lucha pa tin nos Status Aparte unda nos Pueblo mes tin e derecho sagrado pa nos mes determina nos mesun destino. Segun Croes, - papiando durante conferencia semanal di e partido-  Gabinete Mike Eman 2 a trece un fin na e historia glorioso aki di Aruba.

Pa Croes, e motibo ta e relatonan den prensa hulandes cu ta menciona redoblacion di debe den ultimo 5 aña. Y segun e parlamentario di MEP, e ultimo 5 aña ta gabinete Eman tabata na mando pues e tin e responsabilidad y culpa.

“Ora cu den ultimo 5 añanan di AVP bo gasta sin midi y control. Ora den ultimo 5 aña bo ta presta sin midi y control y bo ta redobla e debe di Gobierno, bo ta ocasiona un desastre nacional di proporcionnan fatal pa e destino di un Pais” Croes ta sigui bisa. : Bo ta manda aruba bancarota den e ultimo 5 aña.

Croes ta sigur cu esaki ta e motivacion di gobernador pa no a firma e presupuesto cu e (Croes) ta yama e presupuesto di medida. “Ta pa e motibo aki Gobierno di Hulanda a harta di e engañonan di ciudadano Minister President di Aruba sr. Mike Eman. Fitch Ratings a alerta, Standard & Poors a alerta, IMF a alerta, e Rapport di MEP: Feestvierend ten ondergaan a alerta, Raad van Advies a alerta, Algemene Rekenkamer a alerta, Banco Central a alerta, Gobierno di Hulanda a alerta, y toch no tawata suficiente”. Croes ta sigui menciona foutnan di prioridad, manera pretacion biyonario pa proyectonan PPP, e tram, y no pone prioridad riba e asunto di trailer di muchanan na Centro di Bario Dakota. Finalmente e ta manda e mensahe di partido MEP, pa awo cu Yrausquin ta retira, pa e hiba

Gobierno di Hulanda a fada di e Gobierno di AVP, Gobernador a fada di e Gobierno di AVP, nos Pueblo cu tur esaki a harta di e Gobierno di AVP, paso pa culpa di Gabinete Mike Eman 1 & 2 awor cu e medidanan desastroso contra henter un Pueblo, Gobierno ta bai desgracia e futuro di nos Pais y porvenir di tur nos juinan e nan generacion. Un inhusticia di marca major asina no tin comparashon den nos Historia. Pesey e mensahe di MEP na Juan David Yrausquin cu awor cu e ta bay retira, pa e hiba henter e gabinete Eman cune.