Ultimo dia pa participa na encuesta politico

ORANJESTAD - Awe ta e ultimo dia pa participa den e ultimo encuesta di NoticiaCla y Doc Opleidingen. Manera nos a informa caba dialuna, NoticiaCla y Doc Opleidingen a uni pa di ultimo biaha pa presenta su ultimo encuesta politico, prome cu e eleccion parlamentario pa 22 di september proximo. Contrario na e otro dos encuestanan, a opta e biaha aki pa no haci un encuesta despues di debate, sino a dirigi esaki mas en general. Loke si no a cambia, ta e formato, e anonimidad, y confiabilidad di e encuesta. Un total di 14 pregunta, di cual 10 ta directamente dirigi riba e panorama di eleccion. A calcula cu ta tuma apenas 4 minuut pa completa e encuesta interesante aki. E encuesta lo keda online te awenochi,  y pa diabierna atardi lo divulga e resultado completo. Nos ta invita tur nos lectornan pa participa na e encuesta aki, y duna nos un idea di kico ta spera nos pa e proximo eleccion. Mescos cu e otro encuestanan, nos no ta pretende cu e ta un encuesta representativo completo, ya cu no tur hende tin acceso na sea internet of medionan social pa por participa. Esey sinembargo no ta kita afo cu e resultado ta importante pa por midi un parti grandi di comportacion di nos  comunidad. Manera e encuestanan anterior, pa regla, mester yega un cierto cantidad pa e ta representativo minimo. Y den tur e encuestanan anterior, a logra esaki tambe. Exito!. Pa participa na e encuesta, mester click AKI.