Mas di e destruccion cu Irma ta lagando na St Maarten

PHILLIPSBURG - Horcan Irma a causa hopi destruccion na Isla Riba, y den e caso aki St Maarten, cu ta e isla cu tin mas contacto cu ne. For di mainta trempan NoticiaCla a publica e prome imagenan di e webcam di servicio portuario di e isla, unda cu por a wak con e tabata drentando. Despues a actualisa e informacion cu mas potretnan di destruccion laga principalmente den e centro di ciudad, na Phillipsburg. Y por a mira con den un of dos caya so caba, e destruccion tabata grandi. Mientrastanto comunicacion ta hopi pober y unda cu por, ta ricibiendo potretnan di e destruccion rond di e isla. Por mira visiblemente con hopi daño e isla a sufri y cu e ta sigur mucho mas grandi cu tempo cu horcan Luis a bati e isla na september 1995. Potretnan ta cortesia di amigonan di St Maarten.