Maneho 'faya bo haya' durante ultimo simannan di eleccion

Maneho 'faya bo haya' durante ultimo simannan di eleccion

Posted on 09/5/2017 3:27 pm AST | Updated on 09/6/2017 5:25 am AST

ORANJESTAD - Ministerio Publico y Cuerpo Policial di Aruba ta anuncia pa medio di e comunicado di prensa aki, cu lo hiba un maneho di lik-op-stuk (conoci den pueblo como faya-bo-haya) desde awe pa dilanti te na eleccionnan di 22 di september 2017. Durante henter e periodo aki, Polis lo actua cu tolerancia y comprension, pa mas tanto cu ta possible. Sinembargo, Polis lo actua tambe na un manera decidido. E enfasis den e trabao di Polis lo ta pa yega na un balansa entre mantene seguridad y orden publico riba caya, y guia y acompaña e actividadnan di campaña di e diferente partidonan mas mihor posibel. Violacionnan di Ley manera violencia, destruccionnan, y buracheria den publico lo no wordo tolera. Ministerio Publico lo reacciona riba esakinan cu su maneho di faya-bo-haya. Di e forma aki Mnisterio Publico ta duna sosten na Cuerpo Policial di Aruba den su trabao riba caya, cu hopi biaha ta bastante dificil. 

E maneo di faya-bo-haya ta encera cu Ministerio Publico ta ofrece un asina yama transaccion na personanan cu a wordo deteni pa Polis relaciona cu delitonan of infraccionnan relativamente chikito. Si e persona dicidi pa paga mes ora, anto e caso ta keda cla. Si e persona dicidi cu no, anto e lo haya un citacion pa e presenta dilanti Huez na Corte. Ta importante pa tene cuenta cu e exigencia di castigo na Corte lo sali mucho mas halto cu e multa cu ta haya na Warda di Polis. Pa juist pa e motibo ey cu Ministerio Publico ta conseha personanan cu a wordo ofreci un transaccion, pa nan paga mes ora. Procurador General di Aruba ta haci un yamada enfatico na tur hende pa sigui trata otro na un manera respetuoso y tolerante durante y despues di e periodo di campaña y eleccion. Libertad di expresion ta un di e derechonan fundamental di mas importante y un condicion absoluto pa funcionamento di un sociedad democratico. NOTA: foto archivo di KPA.  

  • E portal ‘E Arubiano’ mester rectifica declaracion contra Staring

    E portal ‘E Arubiano’ mester rectifica declaracion contra Staring

    ORANJESTAD – E portal di noticia ‘E Arubiano’ tin tres dia pa rectifica un articulo contra director di dept. di Salud Jerry Staring, sino tin cu paga un multa te maximo di 25 mil florin. Asina corte a dicta diahuebs mainta segun e sentencia cu NoticiaCla tin den su poder. Staring a hiba e portal y su propietario corte, pasobra e portal a publica un articulo infunda cu ta atacha e credibilidad y bon nomber di e director. E portal a nenga di haci tal, cu consecuencia cu a bay para den corte. Falta di prueba di e acusacion, falta di investigacion pa hustifica acusacion di e fuente di e articulo, y falta di duna e director chens pa reacciona, a conduci na un sentencia na fabor di e director.

  • Director di dept. Salud a gana caso contra minister Dangui Oduber

    Director di dept. Salud a gana caso contra minister Dangui Oduber

    ORANJESTAD – Director di departamento di salud Jerry Staring a gana su caso contra minister di salud Dangui Oduber. Huez diabierna a kita e prohibicion di entrada na su trabou di e director di Departamento di Salud (DVG) Jerry Staring, manera impone dia 1 di juni ultimo. Esey kier men cu Staring por sigui funciona normal como director y no mester keda cas. Motivacion principal di huez ta cu gobierno no por a proba suficiente cu Staring su actuacion a perhudica e departamento, te pa mande cas pa e periodo di 6 siman. Minister di Salud Dangui Oduber den un declaracion cortico (lesa otro articulo) a bisa di ta desapunta cu e sentencia.

  • Padrastro den caso Speeltuin sentencia na 15 aña di prizon y TBS

    Padrastro den caso Speeltuin sentencia na 15 aña di prizon y TBS

    ORANJESTAD – Corte a sentencia e padrastro di e dos criaturanan Rishandroh Anastacia y Eugene Frans na 15 aña di castigo incondicional di prizon combina cu TBS (Ter Beschikking Stelling) obligatorio despues cu e detenido sinta 10 aña di su castigo di prizon. Remarcable ta e hecho cu e padrastro a opta pa no ta presente den corte pa tende su sentencia y a informa corte un anochi prome. Y e famia tampoco tabata presente pa esaki. Tur esey, siendo cu net awe corte a haci tur preparacion pa por a ‘transmiti’ e sentencia den un otro sala si en caso tabatin e necesidad.

  • Mayornan di Zinnia Croes por biba cu sentencia cu polis a haya

    Mayornan di Zinnia Croes por biba cu sentencia cu polis a haya

    ORANJESTAD – Mayornan di Zinnia Croes Gilbert y Michella por biba cu e sentencia cu huez a dicta diahuebs mainta den corte contra e polis acusa di e causa morto di nan yiu. Den un reaccion pa NoticiaCla, e mama Michella a bisa cu tabata hopi importante pa Zinnia haya su ‘fair chance’ dilanti un huez. “ Loke a dunami un satisfaccion hopi grandi, ta caminda cu huez ta bisa cu e ta haci Jadira Vriend culpabel di e caso aki” e mama Michella Croes-Matos a bisa NoticiaCla. E tabata prepara pa e sentencia di awe, conciente di tur e fayonan cometi pa polis, cu lo a pone cu realisticamente mira, huez no por a castiga Vriend pa e.o e bebemento e dia ey.

  • Corte: A haya polis culpabel pa morto di Zinnia Croes

    Corte: A haya polis culpabel pa morto di Zinnia Croes

    ORANJESTAD – E polis Jadira Vriend ta culpabel pa morto di e hobencita Zinnia Croes na maart 2015. Pero debi cu tabatin fayo den e investigacion policial, e no por duna un sentencia otro cu fiscal a pidi, cu ta 240 ora di trabou comunitario y kita su rijbewijs pa un periodo di dos aña. Mayornan di e hobencita ta satisfecho cu e sentencia, den sentido cu huez a haya e polis culpabel y no Zinnia. Nan tabata prepara pa e sentencia aki, y por biba cu ne.

  • Sentencia caso Zinnia Croes y caso Speeltuin diahuebs y diabierna respectivamente

    Sentencia caso Zinnia Croes y caso Speeltuin diahuebs y diabierna respectivamente

    ORANJESTAD – Tanto diahuebs como diabierna tin sentencianan importante den Corte na Aruba. Diahuebs tin e sentencia di e caso di polis cu a dal e hobencita Zinnia Croes mata, y diabierna tin e sentencia di e padrastro di e dos criaturanan Rishandroh y Eugene. Tur dos sentencia ta poni pa keda presenta 8:15 di mainta.

  • Powered by SETAR