Ciclista Statie traslada pa Bogota awe mainta debi na heridanan ricibi

ORANJESTAD - E hoben ciclista Rechenel "Richi" Statie ta na caminda pa Bogota Colombia awe mainta, despues di a sufri multiple herida na su curpa ayera ora cu el a keda alcansa pa un auto na Colony. Manera NoticiaCla a raporta ayera nochi caba, tabata haci tramite pa por a transporta Statie pa Colombia for di ayera nochi caba, mirando e seriedad di su situacion. Esey no a logra, pero awe mainta a keda cla y awe mainta a cuminsa cu e traslado di e ciclista di Aruba pa Colombia. E preocupacion principal ta pa e no keda lam, mirando cu e.o. a scheur su nek y kibra su lomba, entre e heridanan. 

HERIDANAN

For di informacion confirma cu e portal aki a haya, e situacion di Statie ta serio. E tin ribchi kibra, huep kibra, pulmon performa, trauma cerebral (aunke no por papia di brain damage). E miedo ta e posibilidad di paralisacion debi cu segun informacion, su lomba a 'kibra' y su nek ta gescheur. 

E ACCIDENTE

Tabata ayera nochi cu e portal aki a raporta riba e hecho cu e ciclista  l a wordo alcansa pa un Suzuki Swift den Colony ayera tardi 5:46pm segun e melding cu a drenta na polis. Cu maximo urgencia ela wordo transporta pa hospitaal. E ciclista, 'Richi' Statie  ta miembro di Hubada cycling team. Loke ta preocupa e famia y miembronan di e team di Hubada, ta cu e automobilista cu a causa e accidente, ta liber, y no tabatin rijbewijs y polis lo no a actua contra dje.