Internet gratis awor posibel den Caya Grandi y Plaza Daniel Leo

ORANJESTAD - Desde awe mainta, Caya Libertador Betico Croes, miho conoci como Caya Grandi, Plaza Daniel Leo y Plaza Nikki Habibe ta goza di internet gratis, conoci como free WIFI. Durante un ceremonia awe mainta na altura di e negoshinan Mango y La Moderna, representantenan di tanto gobierno como e gremio OBID (Oranjestad Business Improvement District) y SETAR, e facilidad aki a keda lanza. Esey ta nifica cu entrante awe, tur hende cu ta den e respectivo areanan menciona, por tin acceso na internet gratis. Ora cu nan busca wifi riba nan telefon portatil, tin cu busca pa SETAR MAINSTREET, y ta bay riba dje, y e persona por goza di internet. A splica cu mirando cu por tin un fluho grandi di persona parew usando e facilidad aki, ta usando e sistema di fiberoptics cu ta garantisa cu hopi uso parew, no ta stroba e acceso na internet, como por ehempel haci e servicio 'mas slow'.