Isla Riba preparando pa yegada di horcan Irma

PHILLIPSBURG - Isla Riba ta bou di un hurricane watch for di 8'or diadomingo anochi. For di nos coleganan di St Maarten, NoticiaCla a compronde cu residentenan 'no ta tumando ningun chens. Hopi ta yenando nan cas cu material pa horcan manera cuminda y awa, y ta preparando nan viviendanan pa lo peor'. "Gobierno ainda no a emiti nada oficial" un colega di Daily Herald a bisa e portal aki awe nochi. E horcan Irma ta riba caminda pa e islanan aki y ta premira cu e por yega hopi cerca pa diamars awor. Otro islanan cu ta den un hurricane watch awe nochi ta Antigua, Barbuda, Anguilla, Montserrat, St. Kitts, Nevis Saba, St. Eustatius, y Saint Barthelemy. Posibilidad cu lo extende e lista pa dialuna cu e islanan Puerto Rico y Virgin Islands.