Polis a detene homber cu a hinca otro homber na San Nicolas

SAN NICOLAS - Un homber a hinca un otro homber na San Nicolas awe merdia. Vocero suplente di polis Liliana Rasmijn a confirma pa NoticiaCla cu awe diahuebs poco prome cu 12or di merdia patrulla di San Nicolaas ta wordo para na altura di Lagoweg pa un paar di persona cu ta conta cu un homber a wordo hinca cu un cuchiu pa un otro hende homber un rato prome. Nan a mustra e patrulla e sospecho y na unda polis a bai over na detene di biaha.  A pidi ambulance cu urgencia pa e victima mirando su situacion. E la ricibi varios hinca na su bariga y na su pecho y tabata sangra profusamente. Ambulance a jega na e sitio y na unda a stabilise y transporte cu urgencia pa hospitaal. 

Departamento di recherche tin e caso bao investigacion. Departamento forensico di polis tambe a presenta na e sitio y tambe slachtofferhulp. 

Ken cu sa of por a wak algo jama tiplijn di polis cu ta 11141