Celebra Dia di Monumento cu un walking tour den Rancho

ORANJESTAD - Riba 9 y 10 di September tin mas cu 4000 monumentonan gratis habri pa publico na Hulanda y na Aruba. Riba dia di monumento bo ta haya e oportunidad pa bishita monumentonan y lugarnan cu normalmente ta sera of da dificil pa yega na nan. Riba dia di monumento bo por participa cu e actividadnan: Walking Tour Rancho, cu ta duna bo un bista den un di e bario mas bieu di Aruba.

Horario: Tour 1 |9.00 – 10.00am. Tour 2 |10.00am – 11.00am

Nos ta warda bo na: J.G. Emanstraat 9, Oranjestad Aruba. (Oficina di stichting Rancho) E evento aki ta totalmente gratis. Pa mas informacion: http://www.openmonumentendag.nl/ Facebook: https://www.facebook.com/stichtingrancho/

Sera conoci cu e ruta di monumento. E ruta ta hiba bo na e futuro “Perlas di Rancho”: hanchi nan cu funcionnan particular (historico). Algun hanchi cu su perlanan ya caba ta transitable y por bishita nan ta Hanchi Kalki y Hanchi Awa . Stichting Rancho su meta ta pa trese bek e ruta di Monumento y preserva e historia y cultura di Rancho. Rancho ta e bario mas bieu di aruba, di origen un bario di piscado. Pero desde di añanan ’80 e bario a deteriora entre otro a consecuencia di crecemento di turismo. E bario pa gran parti ta consisti di monumentonan y ta baster di herencia inmaterial. Stichting Rancho kier drecha e potencial di e bario pa medio di e proyecto Adopt an Alley.