Tin orden di detencion pa atracadornan Little Europe Jewelry

ORANJESTAD - Ministerio Publico a duna orden pa investigacion y detencion di e tres personanan sospecha di a comete un atraco arma riba e joyeria Little Europe riba 26 di Augustus 2017. Si bo persona tin informacion relaciona cu esaki, por favor yama mes ora tiplijn 11141.

E ATRACO

Tabata diasabra ultimo (26 augustus 2017) mas o menos 13:20 central di polis a haya yamada cu un atraco a tuma na joyeria Little Europe. A manda patrulla di biaha na e sitio di e sucedido . Na yegada a pidi pa Atraco Team y Slachtoffer hulp.Tres hende homber a drenta e joyeria . Un di nan tabata tin un arma di candela. Nan tur 3 color di cuero bruin , e prome ta tin short bisti y t-shirt shinishi. Di dos ta tin jogging pants y t-shirt y poco gordo Di tres ta color di cuero bruin , postura normal y t-shirt color preto. Nan no ta tin cara tapa y nana papia spaño. Nan lo a ty-rap un di e empleadonan . E doño di e lugar nan a dal e den cabez cu un objeto duro pero e no por a wak kico e ta exacto. Na tur nan tabata 4 persona ( doño y 3 empleadonan) den e joyeria .

E atracadornan a bay cu hopi joyas y te awo no tin e balor exacto. Nan a huy den un pick up nissan doble cabina shinishi cu den oranan di mainta lo a wordo joyride. Patrulla di Sta Cruz a bin topa cu e pick-up un rato despues na altura di veld di Aruba Juniors. E auto a wordo tuma den beslag. Diferente unidadnan di polis ta buscando den e momentonan aki pa e tres atraconan. Ken cu por a wak of sa algo jama tiplijn di polis cu ta 11141