CSE a otorga partidonan politico nan color y numeracion

ORANJESTAD – Conforme ley di eleccion, Conseho Supremo Electoral a tira lot awe pa numera e partidonan pa e stembiljet y asigna e partidonan nan respectivo colornan. Esnan cu no mester a saca lot tabata partido AVP y MEP cu den eleccion tabatin e colornan y a pidi nan e biaha aki atrobe. Como cu no tabatin otronan cu tambe tabata kier e color ey, a otorga nan e color mesora. Esnan cu mester a tira lot tabata partidonan POR, UPP, MAS y RAIZ pa por a haya nan respectivo color. POR a haya color blauw scur segun lot, y MAS a scohe e ora pa blauw cla. Pa e color kaki tambe mester a tira lot. Aki partido PPA/UPP a saca lot pa kaki, y e ora partido RAIZ a scohe pa color shinishi. Tambe nan a saca lot pa determina nan aparicion riba e stembiljet. E resultado final total ta:   Lista 1 RAIZ shinishi, Lista 2 UPP/PPA kaki, lista 3 MEP geel , lista 4 CURPA biña scur, lista 5 POR blauw scur, lista 6 MAS lista blauw cla, list 7 RED blanco, lista 8 AVP color berde.