Update: Atraco a resulta di ta un 'robo' di negoshi bril

ORANJESTAD – Mientras cu inicialmente polis a raporta cu e caso di bril tabata un atraco, a resulta despues cu e no ta un atraco, sino mas bien ta cay bou di robo. Esaki pasobra segun vocero suplente di polis Liliana Rasmijn, no a horta nada di e persona, sino di e tienda. Pues e ora segun Rasmijn, e no ta cay bou di atraco, sino robo, aunke cu tabatin arma envolvi. Ta ora cu atraco team a presenta, a bin compronde despues cu e caso 'no ta pa nan' pero a pase pa otro departamento concerni. 

E noticia inicial tabata cu awe mainta pa mas o menos 7:30 central di polis ta haya un yamada cu 4 pa 5 persona lo a drenta horta e lugar Sole na Plaza Daniel Leo . E security lo a conta cu mas tempran 5 persona hende homber lo a aserk’e y un di nan a lanta su flanel y mustre un arma di candela y bise pe hala di eynan . Dos di nan a papia papiamento y e otro tresnan a papia spaño. Nan no ta tin cara tapa. Nan lo a drenta den e lugar y a horta basta zonnebril . Loke ta e suma exacto no ta conoci . Atraco team a presenta y Tambe slachtofferhulp a presenta pa guia e security cu a pasa den un susto. Ken cu por a wak of sa algo jama tiplijn di polis cu ta 11141.