Tempo Aruba a habri nan di 2 localidad na San Nicolas

Posted on 08/28/2017 10:51 am AST | Updated on 08/28/2017 10:52 am AST

ORANJESTAD - Diabierna 25 di Augustus den oranan di atardi Tempo Aruba a habri nan di dos localidad cu ta na San Nicolas. Nan a habri e localidad aki pa sigui yuda hendenan cu ta buscando un trabou y no solamente den San Nicolas, pero pa tur esunnan cu ta buscando trabou parti pariba di brug.

E team di Tempo tabata entusiasma di a habri nan di dos localidad na San Nicolas, mirando cu aki tin desaroyonan ta tumando luga y tur esaki ta uno positivamente. Pa por a yega na e di 2 localidad hopi trabou a keda haci y esaki no por a keda logra sin e sosten di tur hende di Tempo. Gerencia di Tempo Aruba a gradici tur cu a yuda nan pa asina por a logra habri e di dos localidad.

Na momento cu e oficina na San Nicolas a habri, hopi persona a yega pa registra pa asina nan por ricibi e ayudo necesario pa haya un trabou. Durante e registracion tabatin empleadonan di Tempo Aruba tabata haci esaki sea paden of pafo. E filial habri na San Nicolas ta pa motibo cu San Nicolas ta desaroyando y a haya e refineria. A bin eynan pa asina ta mas cerca di comunidad di San Nicolas. E vacaturanan di San Nicolas ta mas tanto tecnico y nan tambe nan ta handle cu e vacaturanan di Citgo.

E ambiente tabata uno ameno, unda cu despues di e registracion tur persona tabata keda eynan y combersa cu otro y pasa un rato ameno cu otro.

Otro aña Tempo Aruba lo ta cumpliendo 25 aña di existencia y durante tur e añanan aki nan a yuda mas di 10 mil persona haya un trabou, pa cual nan ta orguyoso di esaki. Tambe nan ta haci nan esfuerso pa duna apoyo y conseho pa tin exito den bida. Hopi di esunnan cu a keda yuda, a haya trabou permanente den companianan grandi y chikito.

Pa mas informacion di e di 2 oficina di Tempo Aruba por yama na 582-7121 of por manda un e-mail na info@tempoaruba.com of por bishita e facebook page Tempo Aruba. Tambe por pasa na oficina di Tempo na San Nicolas di dialuna pa diabierna entre 8:00AM te cu 5:00PM.

  • Edsel Lopez a bira presidente di Rotary Club of Aruba

    Edsel Lopez a bira presidente di Rotary Club of Aruba

    ORANJESTAD - Diasabra Rotary Club of Aruba a presenta nan directiva 2018-2019. Durante un anochi ameno di Alhambra ballroom e publico presente a sera conoci cu e miembronan di e directiva nobo. Sr Edsel Lopez a keda apunta come e presidente 2018-2019 y e miembronan di e directiva a keda como lo sigiente: Shelby Maduro (secretaria), Emilie Arends (tesorero), Gerardo Oduber (presidente saliente), America Barrios (vice presidente), Luis Oduber (relacionista publico), Dave Coenen (miembrecia), Danilo Werleman (projectonan), Henry van den Berg (Fundacion Rotary) y Sheba Sookoo (sergeant at arms). Durante su presentacion Edsel Lopez a trece dilanti cu e tema di e aña Rotaria 2018-2019 ta 'Be the Inspiration' y el a bisa di ta pone su enfoke riba e papel inspirativo cu Rotary ta hunga den nos comunidad. Pa splica esaki mihor Edsel Lopez a haci un comparacion cu un spiel. Un spiel ta refleha e mundo rond di nos y ta refleha e berdad. Hopi bes hendenan ta busca inspiracion tur rond di nan, lubidando di wak den spiel y wak nan mes. No mester wak leu pa busca inspiracion, nos mes por ta un inspiracion pa nos mes pero tambe pa comunidad. Edsel Lopez a sigui bisa cu e aña rotaria aki e lo kier enfoca riba e derechonan di nos muchanan. Mirando e desaroyonan ultimo tempo riba nos isla y den nos comunidad, e topico di derechonan di mucha ta keda bin dilanti. Den e decreto di Derechonan Universal di Mucha tin un articulo en particular cu a capta su atencion cual ta articulo 19. Articulo 19 en corto ta ensera cu mester percura pa proteha muchanan contra tur clase di abuso manera prehuicio, abuso fisico, abuso mental, negligencia, mal trato y explotacion, incluyendo abuso sexual, mientras nan ta bou custodia di un adulto. Medidanan di precaucion lo por ta programanan social cu e meta pa duna e mucha y tambe esnan cu tin cu cuid'e, e ayudo necesario y tambe yuda den e aspecto di prevencion y guia. Refleccionando bek riba e caso di e dos muchanan cu a perde nan bida inocentemente aña pasa y tambe e situacion social riba nos pais, Edsel Lopez a bisa di lo dedica su trabou durante 2018-2019, particularmente na nos muchanan pero sigur sin lubida nos grandinan y esnan den necesidad den nos comunidad.

  • Haya ticket pa Aruba Summer Music Festival cumprando Chill

    Haya ticket pa Aruba Summer Music Festival cumprando Chill

    (ADVERTORIAL)

  • Famia a celebra e cumpleaños di señora mas bieu di Aruba

    Famia a celebra e cumpleaños di señora mas bieu di Aruba

    ORANJESTAD -Pa hopi hende yega e edad di 100 aña ta un bendicion y aki na Aruba nos tin Maria “Mai” Anette Maduro-Lampe cu recientemente a yega e bunita edad di 109 aña. Pa famia Maduro y Lampe esaki tabata un bendicion, unda cu e famia a bini hunto y celebra e dia. Mai Maduro-Lampe ta e señora di mas bieu aki na Aruba y e famia ta contento y bendiciona pa tin nan mama, tanta, wela y bisawela hunto cu nan.

  • Marlon Wayans y otronan a briya durante Comedy Night di SBMF

    Marlon Wayans y otronan a briya durante Comedy Night di SBMF

    ORANJESTAD – E prome anochi di Soul Beach Music Festival 2018 manera custumber a cuminsa cu e anochi di comedia (comedy), na Renaissance Festival Plaza. E aña aki artistanan comediante tabata e.o. Buddy Lewis, Sydney Castillo, e MC Rudy Rush y e artista comediante principal Marlon Wayans di e famia popular di comediante manera Damon, Kim, y Shawn y nan ruman grandi Keenan Ivory Wayans. Y manera semper nan no a defrauda y sigur no e acto principal Marlon. Diasabra y diadomingo tabata reserva pa e anochinan musical cu artistanan principal Alicia Keys y Maxwell na Harbour Arena

  • Proyecto Ban Cultiva a presenta prome ‘Bario Fest’ diasabra

    Proyecto Ban Cultiva a presenta prome ‘Bario Fest’ diasabra

    ORANJESTAD – Diasabra atardi e proyecto Ban Cultiva a tene nan prome evento Bario Fest y esaki tabata na Centro di Bario Tanki Leendert. E intencion tabata pa uni varios departamento hunto, pa asina e bishitantenan tin un bista di tur loke ta sosode na Aruba riba varios tereno. Por a nota presencia di standnan cultural, DPL, di Salud, EPI, y asina tabatin un sin fin di stand cu hopi informacion. E dos mandatarionan Rudy Lampe y Dangui Oduber a duna acto di presencia den oranan di atardi, y durante nan bishita, a check nan estado di salud. Mester bisa cu ambos a haya un ‘clean bill of health’. E proximo edicion ta na fin di juli proximo, den un otro districto.

  • Kiwanis Club of Aruba a ricibi reconocimiento “Top Club di District’

    Kiwanis Club of Aruba a ricibi reconocimiento “Top Club di District’

    ORANJESTAD - Recientemente a tuma luga na Montego Bay, Jamaica, un congreso di sumo importancia cual ta Kiwanis Eastern Canada and The Caribbean District Convention. E ta un congreso unda 247 club cu ta forma parti di e districto ta reuni pa trata puntonan di atencion pa e division y districto como tambe di Kiwanis International. E miembronan ta intercambia idea, atende diferente tayer educativo y e clubnan ta duna un reporte di nan progreso den e ultimo kwartaal ademas di e proyectonan cu lo ser realisa den e proximo lunanan nos dilanti.

  • Powered by SETAR