Un Carubbian Festival 'nobo' a keda lansa siman pasa

Posted on 08/27/2017 6:16 pm AST | Updated on 08/27/2017 6:17 pm AST

SAN NICOLAS - Después di 7 luna di espera Carubbian Festival   a yama bon bini rna un multitud grandi den e cayanan di San Nicolas. Manera a priminti a trece cambionan grandi den e festival aki su structura,  show, localidad y metanan.  Manera por a compronde for di e representante di Carubbian durante e diferente entrevistanan promoviendo e evento aki, a splica cu e fundacion di Carubbian ta honrando su meta pa no solamente produci un street festival pero usa e festival aki pa duna realse na e herencia cultural di San Nicolas. 

DIFERENTE

Carubbian kier diferencia su mes di tur otro festivalnan cultural cu ta wordo presenta na hotel y crea un experienca único pa e bishitante local como internacional. Asina aki e ta duna oportunidad na San Nicolas pa haya su honor y gloria, camida un festival grandi asina aki lo sa di crea un fluho economico pa negoshinan den caya di San Nicolas.Pues siman pasa diahuebs durante e apertura e festival a cumplí su promesa pa ta un festival diferente. 

CAMBIO

E cambio di localidad a amplia e posibilidad pa creas mas experiencia riba nivel artístico, cultural y culinario. Caminda e area di 'food court' a sa di haci un gran acohida bou di e público presente. Cu mas di 30 vendors di cuminda unda ya pa final di anochi tur cuminda tabata sold out. Pa pone cherry riba e bolo a haci e clausura di e prome edición di Carubbian cu Tsunami cu mas cu claro a sa di mantene e público riba pia te laat den ful celebracion pa e regreso di a festival aki.   

 

  • Edsel Lopez a bira presidente di Rotary Club of Aruba

    Edsel Lopez a bira presidente di Rotary Club of Aruba

    ORANJESTAD - Diasabra Rotary Club of Aruba a presenta nan directiva 2018-2019. Durante un anochi ameno di Alhambra ballroom e publico presente a sera conoci cu e miembronan di e directiva nobo. Sr Edsel Lopez a keda apunta come e presidente 2018-2019 y e miembronan di e directiva a keda como lo sigiente: Shelby Maduro (secretaria), Emilie Arends (tesorero), Gerardo Oduber (presidente saliente), America Barrios (vice presidente), Luis Oduber (relacionista publico), Dave Coenen (miembrecia), Danilo Werleman (projectonan), Henry van den Berg (Fundacion Rotary) y Sheba Sookoo (sergeant at arms). Durante su presentacion Edsel Lopez a trece dilanti cu e tema di e aña Rotaria 2018-2019 ta 'Be the Inspiration' y el a bisa di ta pone su enfoke riba e papel inspirativo cu Rotary ta hunga den nos comunidad. Pa splica esaki mihor Edsel Lopez a haci un comparacion cu un spiel. Un spiel ta refleha e mundo rond di nos y ta refleha e berdad. Hopi bes hendenan ta busca inspiracion tur rond di nan, lubidando di wak den spiel y wak nan mes. No mester wak leu pa busca inspiracion, nos mes por ta un inspiracion pa nos mes pero tambe pa comunidad. Edsel Lopez a sigui bisa cu e aña rotaria aki e lo kier enfoca riba e derechonan di nos muchanan. Mirando e desaroyonan ultimo tempo riba nos isla y den nos comunidad, e topico di derechonan di mucha ta keda bin dilanti. Den e decreto di Derechonan Universal di Mucha tin un articulo en particular cu a capta su atencion cual ta articulo 19. Articulo 19 en corto ta ensera cu mester percura pa proteha muchanan contra tur clase di abuso manera prehuicio, abuso fisico, abuso mental, negligencia, mal trato y explotacion, incluyendo abuso sexual, mientras nan ta bou custodia di un adulto. Medidanan di precaucion lo por ta programanan social cu e meta pa duna e mucha y tambe esnan cu tin cu cuid'e, e ayudo necesario y tambe yuda den e aspecto di prevencion y guia. Refleccionando bek riba e caso di e dos muchanan cu a perde nan bida inocentemente aña pasa y tambe e situacion social riba nos pais, Edsel Lopez a bisa di lo dedica su trabou durante 2018-2019, particularmente na nos muchanan pero sigur sin lubida nos grandinan y esnan den necesidad den nos comunidad.

  • Haya ticket pa Aruba Summer Music Festival cumprando Chill

    Haya ticket pa Aruba Summer Music Festival cumprando Chill

    (ADVERTORIAL)

  • Famia a celebra e cumpleaños di señora mas bieu di Aruba

    Famia a celebra e cumpleaños di señora mas bieu di Aruba

    ORANJESTAD -Pa hopi hende yega e edad di 100 aña ta un bendicion y aki na Aruba nos tin Maria “Mai” Anette Maduro-Lampe cu recientemente a yega e bunita edad di 109 aña. Pa famia Maduro y Lampe esaki tabata un bendicion, unda cu e famia a bini hunto y celebra e dia. Mai Maduro-Lampe ta e señora di mas bieu aki na Aruba y e famia ta contento y bendiciona pa tin nan mama, tanta, wela y bisawela hunto cu nan.

  • Marlon Wayans y otronan a briya durante Comedy Night di SBMF

    Marlon Wayans y otronan a briya durante Comedy Night di SBMF

    ORANJESTAD – E prome anochi di Soul Beach Music Festival 2018 manera custumber a cuminsa cu e anochi di comedia (comedy), na Renaissance Festival Plaza. E aña aki artistanan comediante tabata e.o. Buddy Lewis, Sydney Castillo, e MC Rudy Rush y e artista comediante principal Marlon Wayans di e famia popular di comediante manera Damon, Kim, y Shawn y nan ruman grandi Keenan Ivory Wayans. Y manera semper nan no a defrauda y sigur no e acto principal Marlon. Diasabra y diadomingo tabata reserva pa e anochinan musical cu artistanan principal Alicia Keys y Maxwell na Harbour Arena

  • Proyecto Ban Cultiva a presenta prome ‘Bario Fest’ diasabra

    Proyecto Ban Cultiva a presenta prome ‘Bario Fest’ diasabra

    ORANJESTAD – Diasabra atardi e proyecto Ban Cultiva a tene nan prome evento Bario Fest y esaki tabata na Centro di Bario Tanki Leendert. E intencion tabata pa uni varios departamento hunto, pa asina e bishitantenan tin un bista di tur loke ta sosode na Aruba riba varios tereno. Por a nota presencia di standnan cultural, DPL, di Salud, EPI, y asina tabatin un sin fin di stand cu hopi informacion. E dos mandatarionan Rudy Lampe y Dangui Oduber a duna acto di presencia den oranan di atardi, y durante nan bishita, a check nan estado di salud. Mester bisa cu ambos a haya un ‘clean bill of health’. E proximo edicion ta na fin di juli proximo, den un otro districto.

  • Kiwanis Club of Aruba a ricibi reconocimiento “Top Club di District’

    Kiwanis Club of Aruba a ricibi reconocimiento “Top Club di District’

    ORANJESTAD - Recientemente a tuma luga na Montego Bay, Jamaica, un congreso di sumo importancia cual ta Kiwanis Eastern Canada and The Caribbean District Convention. E ta un congreso unda 247 club cu ta forma parti di e districto ta reuni pa trata puntonan di atencion pa e division y districto como tambe di Kiwanis International. E miembronan ta intercambia idea, atende diferente tayer educativo y e clubnan ta duna un reporte di nan progreso den e ultimo kwartaal ademas di e proyectonan cu lo ser realisa den e proximo lunanan nos dilanti.

  • Powered by SETAR