Corte: InselAir International a haya suspension di pago definitivo

WILLEMSTAD - InselAir International a haya suspension di pago definitivo awe. Directiva di InselAir international b.v. (“InselAir international”) den un comunicado a bisa cu nan ta hopi contento cu e decision di corte di prome instancia di Corsou pa otorga na InselAir international un suspencion di pago definitivo cual a keda institui temporalmente na InselAir international pa prome biaha riba dia 14 di maart 2017.

Directiva di InselAir international ta hopi agradecido pa e confiansa cu a keda demostra y cual ta keda ilustra pa e reaccionnan positivo di e creditornan cu a vota pa duna e suspension di pago definitivo.

Directiva di InselAir international ta mira e alargacion di e suspension di pago aki como un chens pa den futuro cercano ofrece nan partnernan comercial un miho proposicion.

Segun e directiva, mas importante ta, cu e operacion di InselAir international ta sigura pa futuro. Entre tanto, directiva lo sigui cu su buskeda pa yega na un partner strategico cu yudansa di tur esnan concerni.