CSE a aproba lista di partidonan politico awe

ORANJESTAD – Partidonan politico participando na e proximo eleccion, cu excepcion di partido ABO, a haya nan listanan respectivo aproba. Esey a keda informa awe mainta pa Conseho Supremo Electoral durante un session special na Stadhuis. Tabatin algun coreccion cu mester a tuma lugar, y como tal a dicidi cu tur (excepto ABO) ta cumpli cu criteria di validez. ABO no a wordo aproba, debi cu e no a cumpli cu e cantidad di firma necesario. Esaki ta e articulo 25 di e ley di eleccion, cu ta cantidad di votadornan cu mester duna sosten na e lista. “Otro listanan nos por constata validez awe” Glenn Thode a bisa, repasando despues tur e otro listanan. Diaranzon otro siman lo determina e numeracion di e listanan y nan respectivo colornan. Partidonan menciona tabata MAS, RED, CURPA, UPP/PPA, MEP, POR, RAIZ y AVP.