Vaders: Prolongacion detencion Paul Croes ta procedura normal y segun ley

ORANJESTAD - "Standard procedure ta loke ta tumando lugar," asina abogado Marije Vaders a bisa, refiriendo na e prolongacion di ocho dia di su cliente. E  abogado tawata na Aruba pa atende e parti procedural cu manera e ta bisa, ta ‘standard procedure nada otro’. Manera NoticiaCla a raporta anteriormente, Croes a presenta dilanti Hues Comisario pa verifica si e forma di proceder den detencion a bay conform ley. Den 99.9% di caso ta prolonga detencion pa 8 dia mas. Esey ta standard, esaki no tin nada di haber cu culpabilidad e abogado a sigui bisa. 

CASO MES

Pa loke ta e caso mes ainda esaki no a bin dilanti. E tin cu cana su procedura corecto segun nos sistema legal. Ainda nos ta den e proceso di constantemente pidi documentonan pa haya sa kico nan tin contra Sr Croes, pa nos por traha riba su defensa, te na e momentonan aki nos no a ricibi casi nada cu por bisa ta mustra algo serio. 

OBLIGACION

Un cos si nan tin obligacion pa entrega documentonan, esey ta ley, pa defensa por contraresta nan supuesto sospechonan y nos ta sumamente positivo y convenci cu nos lo logra demostra inocencia di nos cliente sin duda.