Un tramitador di permiso den caso Ibis liber atrobe

ORANJESTAD – Un di e tramitadornan di permiso cu tabata deteni den e caso di Ibis, di fam Schwengle, a recobra su libertad awe. Mientras cu a extende su detencion inicialmente cu 30 dia, fiscal a dicidi pa suspende esaki. Vocero di ministerio publico Ann Angela a confirma esaki pa NoticiaCla. Di otro banda, e portal aki a compronde cu diahuebs ta dicidi riba e situacion di minister Paul Croes su detencion. Pero tin informacion cu su detencion a keda prolonga. Fuera di Croes, tin un tramitador ainda deteni, hunto cu e consehero Capriles y e otro trahado di Croes cu a keda deteni dialuna ultimo. For di abogado di Capriles, Lejuez, e portal aki a confirma cu e tambe ta deteni ainda. Croes mes ta den proceso di interogacion for di ayera, for di momento cu su abogado a yega Aruba.