Post Aruba lo parti 69803 carchi di votacion entre diahuebs y diabierna

ORANJESTAD - Relaciona cu eleccion Parlamentario dia 22 di september proximo, Post Aruba N.V. ta informa comunidad cu lo parti e carchinan di votacion, esta e “oproepingskaart” riba diahuebs y diabierna. Dia 22 di augustus 2017 Servicio Postal a ricibi na total 69803 carchi voto for di Registro Civil y Censo y lo parti esakinan den e dianan venidero. Personanan cu mientras tanto a emigra of cu no ta registra na un adres, lo no haya carchi na cas.

Lo percura pa pasa na tur cas pa asina tur hende por ricibi nan oproepingskaart na tempo. Esunnan cu tin un P.O. BOX tambe lo haya nan carchi di votacion entre diahuebs y diabierna den e P.O. BOX.

Pa diamars awor nan ta caba di parti e carchinan y tur loke cu nan no haya of a verhuis, nan lo manda esaki bek pa Censo. 

Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba NV y Aruba Stamps.