Minister Paul Croes poni ‘in verzekering’ awe nochi

ORANJESTAD – Despues di a pasa henter un dia di interogacion, minister Paul Croes a wordo poni ‘in verzekering’ cu ta nifica cu ela keda encarcela y ta den un cel di polis awe nochi. Ademas tin limitacion den sentido cu tin limitacion na acceso na informacion y contacto cu hende. Asina vocero di ministerio publico a confirma pa NoticiaCla awe nochi. Mientrastanto a compronde tambe cu e señora cu nan a bay cu ne na cas di e mandatario awe mainta, ya a sali liber y ta bek na cas. Awor e proceso tin cu cana su caminda, pues e proceso di interogacion ta continua e dianan cu ta bin. Mientrastanto NoticiaCla a confirma tambe cu e intencion ta pa diamars e abogado di Croes, esta Marije Vaders yega Aruba pa tene un conferencia di prensa riba e situacion di su cliente. Den curso di awe caba e portal tabatin contacto cu e abogado, cu e momento ey no por a bisa nada. Pero den curso di dia, e famia y abogado mes a confirma pa e portal aki.