Aruba ta registra su di dos morto den trafico pa 2017

ORANJESTAD – Aruba a registra su di dos morto den trafico pa 2017. Awe diasabra madruga pa mas o menos 4:20 yamada ta drenta na central di polis cu na altura di cas Savaneta 314 un auto bayendo direccion ariba a bolter y pega candela. Na yegada di e patruya di polis ta bin topa cu e auto Yaris A - 62967 color blauw cla y cu tabata na candela. A pidi pa brandweer di biaha y ambulance. E pasahero a logra sali for di e auto pero e chauffeur si no a logra sali. Pa 5:30 dr Texier ta constata morto di Jonathan Joel DIRKSZ, naci na Aruba 13-2-93 .

Departamento di trafico, polis tecnico y slachtoffer hulp a presenta na e sitio di e sucedido. Departamento di trafico tin e cas bou investigacion. E pasahero ta for di peliger.

Cuerpo Policial ta manda palabra di condolencia pa famia di e fayecido.