Fiscal mayor di Venezuela a huy pa Colombia via Aruba

BOGOTA/ORANJESTAD (AP)—Venezuela su fiscal mayor y su casa, Luisa Ortega Diaz y German Ferrer a huy pa Colombia, via Aruba e siman aki. Asina Associated Press a raporta diabierna. Ortega a yega Aruba via un speedboat. Mientras cu autoridadnan no a confirma con Ortega a yega Aruba, Univision a raporta e yegada cu boto diabierna. Mientrastanto el a biaha cu avion priva via Aruba pa Colombia diabierna atardi, autoridad Colombiano a confirma. No tin informacion si e pareha a pidi asilo politico.

CRITICO

Ortega y Ferrer ta criticonan fuerte di e gobierno di Maduro, despues cu nan a denuncia su asamblea constitucional instala na augustus. Un di e prome actonan di e asamblea nobo tabata pa baha Ortega y apunta Tarek William Saab como e autoridad legal mas halto di e pais. Ayera corte supremo Venezolano a ordena detencion di Ferrer, pa supuestamente a orchestra un cadena di extorsion miyonario. Na juni, corte supremo a prohibi Ortega di bandona e pais y a paralisa su cuentanan bancario. Tabata ora cu Ortega a bay online diabierna, cu a bira conoci unda e tabata. FOTO AP