Eclipse solar dialuna observa na Aruba lo ta uno parcial

ORANJESTAD – Dialuna proximo Aruba lo observa un eclipse solar parcial. Asina servicio meteorologico di Aruba a informa diabierna. Un Eclipse total di solo ta sosode ora luna nobo staciona su mes entre Solo cu Tera y proyecta e parti di mas scur di su sombra, umbra, riba Tera. Un eclipse solar, conoci como totality, ta practicamente mesun scur cu anochi.

Un Eclipse ta normalmente yama na e fase di mas scur. Si un eclipse solar ta total na cualquier punto riba e planeta e ta wordo yama un Eclipse total (total solar eclipse), aunke den cierto o mayoria di parti e lo wordo observa como un Eclipse parcial.

Un Eclipse parcial ta un eclipse den cua solamente un parti di un curpa celestial lo wordo oscurece. Durante un eclipse solar parcial, Luna , Solo y Tera no ta alinea den un liña recht perfecto y luna ta proyecta solamente e parti pafo di su sombra, penumbra, riba Tera. For di nos perspectiva ta parce manera luna a morde kita un pida afo di solo.

E evento lo cuminsa 14.18 l.t. (2.18 PM) y lo ta na su maximo pa 15.38 l.t. (3.38 PM), terminando pa 16.48 l.t. (4.48 PM). Gosa, pero corda di no wak straight den Solo….uza un bril special pa e evento aki

Condicion di tempo pa e atardi :

Visibilidad: Bon

Shelu: 50 to 90% cubri cu nubia

Chens pa awacero: 20%

Biento: Oost, 19 to 39 km/hr