Persecucion den auto na Corsou ta laga 2 Venezolano ilegal morto

WILLEMSTAD - Awe marduga, un accidente serio a tuma luga den area di St.Joris despues cu un patruya a tuma nota di 8 hende den un SUV. Nan a actua di forma sospechoso cual a pone cu polisnan a bay pa pidi e SUV pa para. Pero den e area di St. Joris e SUV aki a dal den un cura di misa cual a pone cu 2 persona Latino, probablemente Venezolano a muri mesora y alrededor di 6 otro Latino a keda transporta pa policlinica pa tratamento medico. Uno di nan su situacion tambe ta grave.

Durante un buskeda den e vehiculo cu a accidenta polisnan a topa cu varios paña muha, maleta, pero tambe droga y arma di candela cu e Venezolanonan aki tabata tin den nan poder. Vocero di Ministerio Publico ta confirma cu awe marduga a confisca 23 arma di candela durante di e accidente na Kaya Mitologia na St. Joris caminda e Venezolanonan a accidenta. Investigacion ta continua den e caso aki.