ARA: Gobierno a elimina retraso pero no drecha situacion financiero

ORANJESTAD - Algemene Rekenkamer ta mustra cu gobierno a logra na eliminacion di retraso den entrega y tratamento di cuentanan anual di e Pais te cu aña 2011, pero no a logra presenta un ehecucion structura y sistematico pa elimina deficiencianan den maneho financiero. Como tal ARA ta lamenta e hecho cu e proyecto Mehoracion di maneho financiero, crea pa elimina e deficiencianan den e maneho financiero, no a conduci na resultado. Mescos, ARA ta mustra cu ainda tin deficiencianan structural den e sistema di administracion financiero y e calidad di e cuenta anual ainda ta hopi abao. Como tal, mescos cu e aña anterior Algemene Rekenkamer a limita su investigacion na trabounan minimo.

RAPPORT ANUAL

Algemene Rekenkamer a publica su rapport di investigacion di cuenta anual di Pais di aña 2013. Den e rapport aki Algemene Rekenkamer ta remarca cu desde formacion di e Pais na 1986, tin deficiencia den funcionamento di maneho financiero cu ta e base pa control optimal di gastonan publico. Un bon maneho financiero ta un condicion absoluto pa funcionamento optimal di e tareanan di gobierno como tambe supervision di Parlamento. Lesa e rapport completo aki.