Scol a habri bek na Aruba awe

ORANJESTAD – Awe gran parti di scolnan a habri bek na Aruba. Miles di alumno sea a cuminsa scol pa di prome biaha of ta continua cu nan educacion. Manera a bira custumber, ultimo añanan Facebook y otro rednan social ta wordo inunda cu potret di e mucha y nan mayornan cla pa bay scol of yegando scol. NoticiaCla ta desea tur alumno un dushi aña escolar y e docentenan exito cu nan aña escolar. Foto ta di e.o. Keylee-Jo Rasmijn cu a bay Colegio Arubano, Céline Geelkens cu a bay Mon Plaisir basis hunto cu su amigonan y Marcello Petrocchi na Imelda kleuterschool.