Partido AVP ta presenta su programa di gobernacion diamars

ORANJESTAD - Partido AVP ta presenta programa di gobernacion diamars atardi 6pm den un conferencia di prensa den Renaissance Conference Center, habri pa publico. Aki a invita, na prome luga, tur cu a participa den 1000Voz pa ta presente ya cu e programa ta e producto di consulta intensivo cu nos comunidad. “Nos a haya un aporte hopi grandi di tur skina di nos pais, di hoben, di grandi, di adulto, di profesional, di esnan cu ta biba e bida diario cu tur su retonan, complicacion y exitonan y nos a compila e sentimentonan ey hunto cu esnan cu a recoge tambe for di institucionnan oficial di nos pais manera sindicatonan y gremionan comercial durante e periodonan di Dialogo Social y Town Hall Meeting,” asina Mike Eman a splica

Presentacion di Programa di Partido ‘Padilanti: 2017-2021’ pues ta tuma luga diamars for di 6’or di atardi den Renaissance Conference Center den forma di un Conferencia di Prensa cu ta habri pa publico tambe. Despues di esey, e programa lo ta obtenibel tambe den formato digital atrabes di tur e portalnan di media social di e partido y su candidatonan, pero tambe imprimi e ta obtenibel na Cas di Partido AVP rond di Aruba.