Southwest Airlines awor ta añadi buelo extra pa Aruba for di Houston

ORANJESTAD – E aerolinea Southwest Airlines ta añadi un buelo extra for di Houston pa Aruba na maart di 2015. “E ta oficial awor, nan a anuncia na nos cu e destinacion Aruba ta sigui crece den nan portofolio", asina Ronella Tjin Asjoe-Croes, C.E.O. di Aruba Tourism Authority a confirma. Nan lo bula tur diasabra uzando nan avion B737-700 cu un capacidad di 143 asiento abordo. E vuelonan lo sali for di William Hobby Airport, situa 11 kilometer for di centro di Houston, Texas. Ta trata aki di e aeropuerto comercial di mas bieu di Houston. Ta bon pa bisa cu e aerolinea Southwest mes ta construyendo su prome terminal internacional na Hobby, cu plannan pa cuminsa bula pa Mexico, Centro America y Sur America otro aña. Recientemente Southwest Airlines a anuncia cu nan ta kita algun buelo for di Aruba. Minister di Turismo Otmar Oduber despues a confirma e noticia y a sigui elabora bisando cu e aerolinea a opta pa manda nan (e buelonan en cuestion) pa Baltimore. Despues aeropuerto a anuncia cu ningun momento esaki ta berdad y cu no tin ningun buelo cancela, creando mas confusion