Diaranson awor ta dera docente y musico Tommy Croes

ORANJESTAD – Diaranson awor entiero di docente y musico Tommy Croes lo tuma lugar. Manera ta conoci, diadomingo ultimo e noticia tristo a drenta cu Tommy a bay sosega den braza di señor. For di famianan, NoticiaCla a haya confirmacion awe cu diaranson awor e entiero lo tuma lugar na Aurora Funeral Home, entre 6’or y 9’por sigui pa ceremonia di cremacion den seno familiar.

ANUNCIO DI FAYECIMENTO

Tabata diadomingo merdia NoticiaCla a haya confirma pa su ruman homber Rudy, cu Tommy a fayece despues di varios dia di ta den cuido intensivo. Mesora ora cu e noticia a plama riba rednan social, esaki a keda inunda pa mensahenan di consuelo pa e famia.

MUSICO Y DOCENTE

Tommy tabata conoci pa a milita den e banda Cryptus Confessions, pero mas ainda pa su voz special den ‘Grupo di Betico’. Tambe Tommy tabata docente pa hopi aña unda cu e tabata duna les di e.o. musica. Hopi di su ex alumnonan a comparti nan momentonan bunita riba e.o. Facebook. Pa varios dia caba familiarnan tabata pidi pa resa p'e, pasobra su situacion tabata bayendo mas malo y te hasta a haya Santa olio dado momento.