Hulanda: Biaha pa Venezuela solamente si ta necesario

DEN HAAG – E situacion di pais bisiña no ta mucho bon y ta birando pior. Gobierno di Reino Hulandes mientrastanto a ripiti nan conseho di biahe pa Venezuela awe. “Biaha pa Venezuela solamente si ta necesario”, e mensahe principal ta. Esey ta nifica cu no pa vacacion sino pa otro asuntonan cu solamente ta necesario. Segun gobierno, e situacion politico den e pais Venezolano ta tenso. Y sigur despues di e resultado di eleccion di dia 30 di juli ultimo. “E expectativa ta cu e protestanan lo continua y cu tin chens grandi cu lo actua contra esaki cu forsa. Evita demostracion”, e conseho ta sigui bisa.

ARUBA 

For di director di Departamento di Relacionan Exterior Edwin Abath, a compronde cu e 'reisadvies' ta conta pa henter Reino, pues tambe pa nos. "Regularmente e ta wordo ahusta di acuerdo cu e circumstancianan (e.o. politico y di seguridad) den un pais of region determina" Abath a bisa. A conseha mes momento tambe pa download e app cu tin riba nan telefoon cu ta brinda nan acceso na asistencia consular ora tin mester. E yama 24/7 BZ Reis. Mientrastanto por lesa e conseho completo di Hulanda AKI. Foto cortesia elpais.com.