OM ta confirma mas detencion den caso fraude dept enseñansa

ORANJESTAD – Mas detencion a cay den caso di fraude na Departamento di Enseñansa. Tabata diamars atardi ultimo cu dos ruman mas, Y.R y G.Q. a keda deteni, sospecha di labamento di placa, y diabierna ultimo nan detencion a keda prolonga cu 8 dia mas. E ultimo dosnan ta ruman di e prome Q cu a keda deteni algun siman pasa. Informacion ta cu e dos empleadonan inicial lo tabata pasa placa riba cuenta di e dosnan cu a keda sera ultimo aki. Loke a haci esun aki hala atencion ta cu inicialmente tabata papia cu a detene secretaria di minister di husticia. Algo cu no a resulta di ta completamente berdad. NoticiaCla.com a compronde cu no ta descarta cu mas detencion lo por cay. Tin hasta papia cu mas familiar di e tres rumannan por bay sera. Pa cuminsa, NoticiaCla.com a haya confirmacion di Ministerio Publico di e detencionnan nobo aki diadomingo atardi laat, aunke nan no por a confirma e inicialnan. Nan a confirma solamente cu ta trata di personanan envolvi den e fraude aki, y cu diabierna nan detencion a keda prolonga.

Pa loke ta e caso di secretaria di minister, NoticiaCla.com a compronde cu Y.R enberdad tabata hopi liga na e oficina di e minister, pero no como secretaria. E tabata traha un tempo na e oficina, y ta ainda riba e payroll di gobierno. Solamente cu e no a aparece na e oficina ey den hopi tempo. Pero definitivamente e no tabata ‘e secretaria di minister’, manera cu e rumor a core den fin di siman.

E caso a haya atencion algun siman atras ora cu dos persona, trahado di e departamento di enseñansa a cay sera, sospecha di fraude. Pa un periodo di 4 aña, nan lo a transferi fondo di gobierno riba cuentanan bancario di tercero, pretendiendo di tin fiansa di estudio y pasando e placa aki tur e tempo riba cuentanan di famianan. Ministerio Publico a confirma cu ta trata di un suma serca of net pasa di