Edwin Abath ta reemplaza Andy Lee na Departamento di Relacionan Exterior

ORANJESTAD – Ex minister plenipotenciario di Aruba na Hulanda Edwin Abath ta e proximo director di Departamento di Relacionnan Exterior. E ta reemplaza actual director Andy Lee, cu lo bira e proximo Minister Plenipotenciario pa Aruba na Washington.

Den combersacion cu Abath, e la splica NoticiaCla dialuna, cu e la wordo proponi e funcion na momento cu a bira conoci cu Andy Lee lo bira e proximo GevMin na Wasthington. “ Mi a tuma tempo pa considere” Abath a cuminsa na bisa. Y mirando cu e funcion aki ta mas cerca den liña di e experiencia diplomatico cu e la gana como minister plenipotenciario na Den Haag, como tambe e contactonan / netwerk cu e la acumula, ademas di e necesidad pa mas Public Diplomacy pa e producto Aruba, El a acepta e reto nobo aki. Abath ta confirma cu e ta trahando algun siman caba eynan pa aclimatisa su mes cu e funcion. “Entretanto ya mi ta pasando den e tramitenan di conocemento y profundisacion di e dossier nan, introduccion na e diferente stakeholders y continuacion di e maneho hiba te cu awor”. Abath a cuminsa traha na e departamento for di dia 23 di juni ultimo.