Schwengle: Lo dura un aña pa cambia proceso di BIG registratie

Schwengle: Lo dura un aña pa cambia proceso di BIG registratie

Posted on 08/10/2017 11:33 am AST | Updated on 08/11/2017 12:54 am AST

ORANJESTAD – Cambia e proceso di registracion di BIG (Wet op de Beroepen in de Individuele Gezondheidszorgpa docternan cu a studia den region por traha na Aruba, por dura un aña, y no 100 dia manera cierto politiconan coriendo campaña kier laga bo kere. Esaki ta pensamento di minister di salud Alex Schwengle na NoticiaCla. E problema di registracion, ta perhudicando studiantenan y mediconan cu a studia medicina den region, pero no por eherce nan funcion sin mas pa motibo di e registracion BIG. Pa logra esaki, tin henter un proceso largo cu tin cu cana, cu ta descurasha cualkier medico cu tin e problema aki. Awor den campaña, tin algun partido ta uzando e posibilidad di ofrece 'quick fix'. Basa riba esaki e portal a acerca e mandatario actual di salud. Segun e mandatario, berdad tin un quick fix y esey por sosode mesora di un dia pa otro. Pero e fix ey, no ta e fix corecto y responsabel segun e mandatario. Mes momento e mandatario ta admiti na e portal aki cu e no tabata un prioridad halto, y p'esey no a logra yega na e cambio manera mester ta. Mester a enfoca riba otro casonan cu awor ta cla y ta coriendo. Algo cu awor si lo tuma lugar, esta enfoke riba e cambio pa registracion BIG. Mes momento, e mandatario ta recorda cu e ley di ARUBIG, a wordo pasa unanimamente den parlamento siendo aro contrincantenan ta keha riba esaki.

QUICK FIX

Pa loke ta e quick fix cu cierto politiconan ta referi na dje den campaña, ta trata di un comision cu por wordo institui, cu ta dicidi ken ta cualifica y autorisa y ta ‘inscribi’ e docternan e ora. “Por, pero esey no ta e doel ni spirito di Arubig” Schwengle a bisa. Segun e mandatario , cu ta medico di profesion tambe, e meta di e ARUBIG ta pa garantiza e pueblo, un minimo di calidad. “Bo ta toets e riba dos aspecto. Esey ta e problema. Bo ta toets riba e aspecto constitucional, y riba e nivel individual”. Esey ta nifica cu si bo a studia medicina, e instancia cu ta controla, ta check si e curriculum ta comparable cu esun di Hulanda. Den e ley di ARUBIG, a determina cu Hulanda ta e norma cu cual mester compara cu ne. Despues ta bay na e siguiente fase, cu ta controla cu si riba bo diploma ta para cu bo ta specializa pa haci X, lo toets si enberdad e persona ey por haci X. Y tin manera pa haci esey segun Schwengle. Tin sistema desaroya pa haci esaki cual Aruba ta haci uzo di dje, manera accreditation systems cu ta existi, primordialmente di Hulanda. Kier uza e sistema di Canada y Merca, pero mester di uno spaño y esey ta e dolor di e mandatario. “Spaña no ta uza e mesun estilo cu Europa. E no ta malo pero diferente. Mi ta bringando cu e parti ey pa con ta bay plaats Spaña como un di e partnernan. Pero mi ta buscando un di Latino America mes” Schwengle a bisa. Tanten cu no logra esaki, e sistema di registra nos hendenan cu a studia medicina den region, ta bira un dolor di cabes. Kier busca di Colombia, aunke eynan ta toets solamente riba e parti institucional, y no nivel individual. “Aunke cu nan tambe kier e sistema aki tambe” Schwengle a bisa e portal aki, basando su mes riba encuentronan cu e tabatin cu tanto mediconan y gobernante di e pais Colombiano. Ta un cuestion cu den dos aña (speransa di Schwengle) nan por keda cla cu esey, cu Aruba tambe por acepta nan. Esey ta nifica cu e ora ora cu un persona gradua den region bin Aruba, por bisa nan, bay Colombia y acredita eynan y nan por bin traha Aruba, fuera di Hulanda, Merca of Spaña. “Si bo acredita eynan, mi ta schrijf bo in inmediatamente” Schwengle a bisa.

CULPABEL CU TARDANSA

E mandatario a admiti cu e implementacion di e ARUBIG registratie ta bay dificil pasobra tin un aspecto cu e no por a resolve bon. Mes momento e mandatario a bisa cu kier evita cu ta bay uza un ‘filter’ geel of berde, y cu e no ta politicamente mara, esta cu ta dicidi a base di color politico.

  • Demolicion di edificionan di Colegio Frere Bonifacius a cuminsa

    Demolicion di edificionan di Colegio Frere Bonifacius a cuminsa

    ORANJESTAD – Diabierna e edificionan di Colegio Frere Bonifacius a pasa pa pasado. Esaki ora cu a benta esakinan abou pa traha e scol di nobo. Minister Rudy Lampe a pasa un rato y tira un bista riba e trabaonan cu a cuminsa pa e demolicion di e edificionan cu ta afgekeurd. E scol a wordo ubica na un otro luga y pa 7 aña no a haci ningun intento pa trece e scol bek. E intencion ta pa traha e scol bek y convirtie den un "smart school" na unda cu lo tene cuenta cu digitalisacion y desaroyo sostenibel y cu lo wordo aplica den e re-ubicacion na e adres di origin segun e mandatario.

  • Chauffeur di truck a hera drenta e truck den un cas na Dakota

    Chauffeur di truck a hera drenta e truck den un cas na Dakota

    ORANJESTAD – Pa falta di preferencia di un otro auto, e chauffeur di un truck di Setar diabierna atardi por poco a drenta e truck den un cas na Dakota. Tabata e chauffeur di un v- Car Nissan Tiida a yega na cruzada di Dadelstraat/Avenida Juan Pablo II y no a para pa duna preferencia. Testigonan ocular a bisa cu e chauffeur di e truck tampoco no tabata core poco poco y como tal no por a evita e accidente. El a purba hala pero toch a alcanza e auto, bay benta cura di un cas eynan abou y hera drenta den e cas mes. Pa straño cu por zona, ningun hende a sali herida, pero e daño material tabata grandi si.

  • DOW: Fin di augustus problema di awa na rotonde Cumana ta soluciona!

    DOW: Fin di augustus problema di awa na rotonde Cumana ta soluciona!

    ORANJESTAD – Pa fin di augustus di e aña aki, e plan di drenahe di awa na e rotonde di ex Codemsa lo ta cla y por mira cambio. Asina director di Dienst Openbare Werken (DOW) Marlon Croes a bisa. Croes a reacciona riba e raportahe di NoticiaCla e siman aki cu un biaha mas awacero a converti e area den un piscina. Segun Croes, trabou ta andando ainda y pesey no a mira e cambio. Pero ora cu e trabou ta cla, e ora por mira e solucion tambe pa e problema di awa cu ta keda para ora di un palo di awacero.

  • Experiencia gastronomico na Hilton Aruba Caribbean otro siman

    Experiencia gastronomico na Hilton Aruba Caribbean otro siman

    PALM BEACH - Chef ehecutivo Matt Boland y e brigada culinario di Sunset Grille Restaurant na Hilton Aruba Caribbean Resort & Casino lo host un experiencia gastronomico, un four-course wine pairing dinner conhuntamente cu The Wine Room. E evento lo yuda presenta e productonan legendario di Creekstone Farms na un audiencia local di Aruba. Chef Boland recientemente a acerca e farm den un esfuerso pa incorpora nan carni baca y carni porco di alta calidad na Estados Unidos, den e cushina di Sunset Grille. E farm ta cria e mihor Black Angus y Natural Duroc Pork y ta aplica practicanan excepcional di criadero di porco y baca pa crea un alimentacion di calidad halto cu ta wordo controla cuidadosamente y un procesamento moderno.

  • Botica di Servicio tin Stock di e Vacuna Contra Keintura Geel

    Botica di Servicio tin Stock di e Vacuna Contra Keintura Geel

    ORANJESTAD: Recientemente Seccion di Malesanan Contagioso (Dienst Besmettelijke Ziekten) a informa cu e vacuna conta Keintura Geel (Yellow Fever) a caba. E vacuna aki ta mandatorio pa tur pasahero cu ta bin for di Centro America, Sur America y paisnan den e continente di Africa.

  • Bunita evento cultural na Cas di Cultura dia 20 di Juli awo.

    Bunita evento cultural na Cas di Cultura dia 20 di Juli awo.

    (ADVERTORIAL)

  • Powered by SETAR