Partidonan RED y RAIZ tambe a logra 578 firma cada uno awe

ORANJESTAD – Partidonan RED y RAIZ cada uno a logra nan firmanan necesario diamars di 578 pa por sigura nan participacion na e proximo eleccion di dia 22 di september. Tabata RED prome cu banda di 5’or a logra e cifra ‘magico’, sigui pa RAIZ un ora despues. Partidonan cu falta ainda tin un siman mas pa logra e cifra ‘magico’ di 578. Na ciere di e di dos dia, PPA/UPP tabatin 433 firma, CURPA 178, MAS 157 y ABO cu 46. Partido POR a logra esaki riba e prome dia caba, manera cu NoticiaCla a raporta anteriormente. Cada partido cu no tabatin asiento den e parlamento actual, mester a acumula e cifra magico pa garantisa nan participacion. A cuminsa cu e firmamento dialuna mainta 9’or y ta sigui te cu diamars otro siman. Diasabra y diadomingo sinembargo no por firma. E partidonan cu no logra e cifra magico, no por participa den e proximo eleccion.