Partido RED ta siguiente cu lista cu mas firma awor

ORANJESTAD – Despues cu partido POR tabata e prome di e shete partidonan buscando firma pa por participa na e eleccion 2017, partido RED tin un delantera riba e otronan cu a keda segun e cifranan oficial di CENSO. E ultimo conteo di 2’or tabatin RED na 501 firma, sigui pa RAIZ cu 391, PPA/UPP cu 264, Curpa cu 123, MAS cu 81 y finalmente ABO cu 36. E partidonan tin te otro siman diamars pa yena nan lista cu 578 firma. Partido POR a logra nan meta riba e prome dia den apenas 6 ora di tempo. Tur cos ta mustra cu pa fin di dia, RED lo por yega su cantidad rekeri pa ley.