Minister a 'launch' programa nobo 'NoticiaCla LIVE' dialuna!

ORANJESTAD – Kedando innovativo y activo, NoticiaCla a lansa otro producto awe riba mercado. Mientras cu e plataforma no ta nobo, e concepto y e programa si ta uno completamente nobo. 

"NoticiaCla LIVE” a cuminsa dialuna 7 di augustus pa 6’or di atardi, lansa pa minister di Telecomunicacion Richard Arends. Simbolicamente primiendo e boton, ela manda e programa den aire y despues a bira e prome invitado mesora pa e programa. E concepto di e programa ta uno varia cu noticia y entrevista cu cierto personahe di nos isla. E duracion ta 30 minuut y ta pasa riba dialuna, diaranson y diahuebs. No ta descarta cu lo por amplia e frecuencia. E prome salida tabata bon y a haya hopi reaccion. Particularmente riba e formato, e preguntanan, pero tambe e imagen presenta. Semper e portal aki a sa di trece un imagen limpi, trankil y serio, pero tambe casual. Tur hende ta invita pa participa y mira e programa, cu lo pasa riba e pagina di FACEBOOK di NoticiaCla. Den futuro cercano, lo por wak esaki bek tambe via e portal mes, esta www.noticiacla.com