Total di 7 partido politico mester acumula 578 firma e siman aki

ORANJESTAD –Un total di 7 partido politico mester acumula e cantidad di 578 firma pa asina por participa na e proximo eleccion di dia 22 di September. Asina Conseho Supremo Electoral ta splica e.o. riba nan website. Un votador cu firma, por haci esaki solamente riba un partido, pues firma solamente un lista. E votador por haci esaki entre dia 7 pa 15 di augustus proximo entre 9’or di mainta pa 8:30pm tur dia na e 'dependance' di Censo cu ta e edificio di ex RBC na Playa. E partidonan cu no mester di firma ta partidonan AVP, MEP y PDR, como cu nan tin asiento di e eleccion anterior. Den e caso aki, partido PDR no a inscribi aunke cu e tin un miembro den un otro partido. Mirando cu ta trata di partido y no e persona, partido POR tambe mester acumula e firmanan necesario. Ya caba partidonan politico cu mester di firma, a cuminsa manda na invitacion pa pueblo sostene nan cu e proceso di acumula firma.