Hefe di polis Richardson: Aruba a celebra democracia den gran forma

Hefe di polis Richardson: Aruba a celebra democracia den gran forma

Posted on 08/6/2017 2:27 pm AST | Updated on 08/6/2017 2:27 pm AST

ORANJESTAD - "Aruba a demostra cu nos por celebra democracia den gran forma, cu tur ciudadano respetando e scogencia politico di otro", asina mr. Adolfo "Dolfi" Richardson, Alto Comisario di Cuerpo Policial Aruba a bisa diabierna atardi despues cu 9 partido politico a entrega nan lista. Tanto riba caya como paden na Censo, e proceso democratico a bay bon organisa y sin ningun incidente.

Na tur a participa mas o menos 175 Polis di varios unidadnan, pa e operacion aki. Tabata un reto pa atende cu e partidonan cu a haya permiso pa yega cu parada na Censo, specialmente si tene cuenta cu Wilheminastraat ta smal. Asina mes Polis a prepara un plan di mobilisacion, den cual a permiti e politiconan so drenta paden y e fanaticonan sigui cana direccion Plasa Padu. Asina cu cada partido entrega, a duna nan e oportunidad pa papia cu prensa y despues a pidi nan pa bandona e sitio pa e siguiente partido por a yega sin estorbo.

"Si nos mantene nos mes na e nivel di comportacion aki, den cual respet mutuo ta central, anto mi ta sigur cu e periodo aki lo bira uno di un berdadero celebracion di democracia. Kere mi cu poco pais por gaba cu ta mobilisa centenares di hende, cu diferencianan politico, den e mesun caya y despues tur bandona e area sin problema. Mi ta masha orguyoso di nos Polisnan, pa nan profesionalismo y tactica den organisacion y maneho di masa di hende y mi ta orguyoso di e pueblo completo cu a demostra un nivel di aceptaicon y tolerancia grandi", asina Alto Comisario Richardson a termina bisando. 

  • Boto cu 6 Venezolano gara purbando di drenta Aruba ilegalmente

    Boto cu 6 Venezolano gara purbando di drenta Aruba ilegalmente

    ORANJESTAD - E siman aki durante un accion teni conhunto cu kustwacht, douane, maritiem polis, kust surveillance i Marina real, a detene e boto ‘Yehovah Yereh’, procedente di Venezuela, cu 6 persona, tur masculino, riba dje cu a purba drenta nos isla ilegalmente. Asina Warda Costa di Caribe a informa diabierna. E accion mes a tuma lugar dialuna mainta ultimo den awanan pabou di Aruba. E kapitan a declara cu nan kier a bin Aruba pa un mihor bida. E boto a wordo tuma den beslag I e hendenan a wordo traspasa na autoridad concerni.

  • Chauffeur di auto envolvi den accidente tragico ta stabil

    Chauffeur di auto envolvi den accidente tragico ta stabil

    ORANJESTAD – E chauffeur di e auto nissan sentra cu tabata envolvi den e accidente tragico awe marduga, a sali di ICU (Intensive Care Unit) y ta den un camber na hospital stabil. Su situacion mas prome tabata mas critico cu ‘interne bloeding’. Asina vocero suplente di polis Liliana Rasmijn a confirma pa NoticiaCla. Informacionan no corecto for di tempran tabata raporta cu e lo a fayece, pero esaki no tabata corecto.

  • Dos morto den accidente di trafico na Shaba

    Dos morto den accidente di trafico na Shaba

    SHABA - Dos persona a perde nan bida diahuebs marduga den un accidente di trafico na Shaba na altura di un centro comercial. E impacto tabata entre un auto nissan centra sentra blauw y un motorcicleta blanco hayabusa. Un persona den e auto y e motorciclista a perde nan bida na e sitio. Dr Texeir a jega na e sitio di e susedido y a constata morto pa 4or di e victimanan. Ta trata di Wendell A.R. de LEEUW naci 25 december 1995 na Aruba y Dyllon A. LOURENS ( chauffeur di e brommer) naci 1 oktober 1995 na Aruba . E chauffeur di e nissan ambulance a bay cu ne cu urgencia pa hospital. Te awo su situacion ta critico. Palabra di condolencia na famia di e fayecidonan. 

  • A detene señora cu a menaza prome minister cu morto

    A detene señora cu a menaza prome minister cu morto

    ORANJESTAD – Recherche a detene e señora E.I.B (66) diamars anochi, sospecha di a menaza prome minister di Aruba cu morto recientemente. Asina vocero di polis Lito Lacle a confirma na NoticiaCla diaranson mainta. Tabata algun dia pasa cu durante un programa radial na Canal 90, e persona a yama y a haci e menasa. Gobierno (lesa: prome minister) a entrega keho contra esaki y e departamento di telecomunicacion a sanciona e radio pa 2 dia. NOTA. E potret no ta di e dama deteni sino un potret generico di un detencion. 

  • 19 detencion durante listramento preventivo

    19 detencion durante listramento preventivo

    ORANJESTAD: Recientemente Ministerio Publico a duna Cuerpo Policial Aruba e derecho pa por eherce e “listramento preventivo”. Esaki a tuma lugar diabierna 18:00 di atardi pa diasabra mainta 06:00. Polis tabata tin control estricto tanto pafo y paden durante e evento di Aruba Summer Music Festival y den districto di Noord.

  • Atraco arma na Washington Supermarket

    Atraco arma na Washington Supermarket

    ORANJESTAD - Awe diadomingo anochi pa 21:35 central di polis ta haya un yamada cu un rato prome un hende homber lo a comete un atraco na Washington Supermarket. Ta manda patruya di biaha na e sitio di e sucedido. Na yegada di e patruya ta bin compronde cu un hende homber cara tapa papiando papiamento a drenta cu machete y ta comete e atraco. E lo a bula over di e toonbank y a bai pa e baki na unda tin placa larga y ta calcula cu eyden lo ta tin total afl 300,-. A pone personal di atraco team na altura y tambe departamento di slachtofferhulp. Patruyanan riba caya a cuminsa busca den vecindario pa e sospechoso. Ken cu por a wak algo por yama tiplijn di polis cu ta 11141.

  • Powered by SETAR