Intento di golpi di estado na Venezuela a keda frustra

VALENCIA – Un intento di golpi di estado a keda frustra na Venezuela awe mainta. Un grupo di militar na Valencia a purba lanta contra e gobierno, pero autoridad di e pais a kibra nan intento. E lider di e partido di gobierno Diosdado Cabello a yama esaki un ‘atake terorista’. Segun e grupo cu kier a lanta, nan intencion tabata pa deroca e tirania asesino. Nan mes no ta yama esaki un golpi di estado, sino mas bien un ‘accion militar y civil pa restablece orden constitucional. Cabello mientrastanto a sigura cu tin full control na e base militar na Paramacay na Valencia, y a bisa cu entre otro 7 persona a keda deteni.