RED a bin cu lista di 10 candidato atrobe

ORANJESTAD – Mescos cu na 2013, RED a presenta 10 candidato pa nan lista di 2017. RED tabata number 2 cu a entrega su lista na Conseho Supremo Electoral. Durante e conferencia di prensa despues, e lider di partido Ricardo Croes a bisa cu pa ta un lider di partido, ta algo hopi pisa, pero cu nan a ‘traha hopi duro’ pa forma nan team. “Awe ta un dia importante pa nos, pero tambe pa boso”, ela subraya.

MESTER CAMBIO

Croes a bisa cu su partido tin hopi solucion cu tin den sosiedad. “RED ta spera cu hende ta realisa cu cambio ta necesario y cu e cambionan aki no ta bay bin cu e partidonan grandi,” ela bisa den voz halto. “Wak nos criminalidad, nos enseñansa, y nos debe nacional”. Riba e pregunta di NoticiaCla, cua punto e kier atende prome si e drenta gobierno, ela bisa cu entre otro e kier tackle criminalidad”. Pero tin hopi cos pa haci” Croes a sigui bisa.

SIGUI CU CAMPAÑA

Na caminda pa eleccion, RED lo sigui core campaña organisando entre otro varios actividad cu lo wordo anuncia dentro di poco. Banda di esey, nan lo ubica varios videos riba rednan social y sigui cu bishita di cas y bario.

Lista di RED

1. Ricardo Sindulfo Croes

2. Armando Rudolfo Lampe

3. Julia Jacinta de Cuba/Geerman

4. Kinsasha Florence van der Bliek

5. Nuris Maria Lampe

6. Marcel Ali Pena

7. Mitchell Urwin Harvey Ho-Asjoe

8. Ciro Ramon Marquez

9. Nelson Leroy Quandt

10. Benjamin Curtis Romano