ABO a presenta cu un lista di10 candidato

ORANJESTAD – E partido ABO, lanta den 2014, a presenta un lista di 10 candidato awe. Esey a resulta ora cu nan a entrega nan lista entre 12:30 y 1:00pm awe cerca Conseho Supremo Electoral (CSE). E candidatonan tin como lider Elton Leonard Lioe-A-Tjam, sigui pa Yosmar Yovanca Maduro. E resto di e lista ta consisti di 3: Leonardo Antonio, 4: Valdero Elogio Hart, 5: Lucaskjo Francisco Schmidt, 6: Rene Simon Eusebio Maduro, 7: Costant Thomas Wenceslao Azriah Palm, 8: Marlene Verona Karwofodi, 9: Shirley Cicilia Caines y 10: Donald Rudolfo. 

ATENCION SOCIAL

Segun e lider di e partido Lioe A Tjam, e ta mustra cu e lista ta un refleho di e pueblo, ya cu nan tin for di hoben te esnan di mas edad, tur di calidad. Riba e pregunta di kico nan lo traha ariba ora nan drenta gobierno, ABO a reacciona bisando cu Aruba tin yen di problema cu no tin un quick-fix. Nos lo presenta un plan cu nos ta bisa unda tur e placa lo bay. No a bay den detayes riba e plan, aunke cu e partido a bisa si cu tur e balornan lo haya atencion.