Eman: AVP ta bay pa 15 asiento AVP

ORANJESTAD - AVP tin hopi confiansa cu nan lo gana e proximo eleccion (dia 22 di september proximo). Asina e lider di partido Mike Eman a bisa durante e conferencia despues di entrega su lista. AVP ta conta cu por lo menos 15 asiento.

TEMPO NOBO

E partido berde, acompaña pa hopi bochincha, y manera potretnan ta mustra, hopi simpatisante awe tardi 3’or y mey. E ora original cu partido AVP mester a entrega nan lista tabata 10’or y mey. Pero AVP no tabata di acuerdo cu e lista, pasobra segun nan, semper tabata bin cu un grupo grandi di hende. Despues di combersacionnan cu Conseho Supremo Electoral,, a dicidi cu AVP lo a cera e dia como e ultimo partido pa entrega an lista. Eman a bisa durante e conferencia cu e tabata contento pa mira cuanto hende a compañ'e y duna e partido sosten. “E ta un indicacion cu e trabou cu nos a haci ocho aña largo, ta wordo respeta pa e comunidad y cu nan a reacciona bon riba e lista”.

CARA NOBO

NoticiaCla a publica e lista awe mainta caba, unda cu tabatin varios cara nobo. Segun Eman, e lista a wordo traha pa medio di un proceso unda cu un hunta di ‘hende sabio y un dama sabio a compila y presenta esaki na e partijraad. E diferencia cu e lista anterior ta cu den bista di Eman, tin hopi cara nobo riba lista. “AVP ta ocupa su mes cada eleccion pa renoba e partido. “Pa esaki nos a haci un bon analisis di kico e deseonan den comunidad ta y kico e temanan di momento ta”. Un di e temanan aki ta seguridad. “Pa esaki nos a haya un profesional riba number 6, Robert Candelaria. Pa economia nos tin riba number 5, Richard Arends. Pero pa innovacion y cultura nos tin Michael Lampe” E partido a mustra cu nan busca hopi millennials manera Clayton Croes y Marksonn Maduro cu tin cu inspira e hubentud”.