Draaiboek di polis y ruta di partidonan pa entrega di lista

ORANJESTAD - Riba diabierna 4 di augustus 2017, partidonan politico lo entrega lista na Conseho Supremo Electoral en preparacion pa eleccion dia 22 di september 2017. Pa buena marcha acuerdonan a ser yega cu e diferente partidonan y otro stakeholders. A base di esakinan un programa a ser traha pa cada partido durante e proceso aki. Mas cu 80 polis lo ta riba pia (sin conta esnan standby) pa zorg cu tur cos cana na ordo y garantisa e orden publico. Por wak e lista di partido AKI. 

E rutanan lo ta lo siguiente:

MEP

Ruta di partido MEP: via Adriaan Lacle Blvd/ Wilhelminastraat. E ruta pa bay bek lo ta mescos, pues Oranjestraat/Wilhelminastraat/Adriaan Lacle Blvd. Nan lo no wordo guia pa polis. Horario lo ta entre : 12:30-13:30 ora. WAK E RUTA DI MEP AKI

POR

Ruta di partido POR. Lo reuni na Juliana plein y djei bay abou den verboden via Julianastraat, lora bay nort den Maria Christinastraat bay p’ariba te cruzada Irenestraat, lora na man robez bay nort den Irenestraat te na e cruzada di Wilhelminastraat. E ta bira man robes bay p’abou den Wilhelminastraat te stadhuis.. ruta pa bay bek lo ta igual esta via Wilhelminastraat, Irenestraat, Maria Christinastraat, Julianastraat te na Juliana Plein. Nan tampoco lo tin guia di polis. E horario lo ta entre : 13:35-14:00 ora. WAK E RUTA DI POR AKI

AVP

Ruta di partido AVP: Lo reuni na veld di Cricket, djei sigi den Vondellaan, Wilhelminastraat/Oranjestraat. E ruta pa bay bek lo ta igual, pues: Oranjestraat/Wilhelminastraat/ Vondellaan. Nan tampoco lo no haya begeleiding di KPA. Horario lo ta entre 15:00-15:30 ora. WAK E RUTA DI AVP AKI.

Lo tin diferente post di polis riba e rutanan:

Post 1: Entrada principal na cruzada Wilhelminastraat/Adriaan Lacle blvd.

Nan tarea klo ta pa tira bista riba e parada nan na pia. Lo no permiti ningun vehiculo den e area di espera sino solamente riba ordo di e “locatiecommandant” na e sitio.

Nan lo regla trafico tambe na e sitio y na e sation di gasoline te ora cu e parada pasa. (8 polis)

Post 2: Colombusstraat/Wilhelminastraat Ruta di Partido MAS

(3 polis )

Tijdstip: 08:40-09:00 segun e situacion guia pa e unidad di mobilidad

Post 3: lo ta na e zijweg di Zuidstraat na haltura di unda e oficina di Dr HO-KANG-YOU ta.

(2 polis)

Post4: lo ta na Zoutmanstraat/Oranjestraat/Fort Zoutman/zijweg dialnti di Chaos Cafe/ oficina di Gobernador

(5 polis). Nan lo controla e area y dirigi trafico

Cuerpo Policial kier pidi tur hende pa por fabor tene cuenta cu e situacion y e reglanan na e sitio. Tambe nos kier pidi tur hende pa coopera cu tur e unidadnan di Polis pa asina por garantisa e seguridad publico. Mas cu claro tambe nos semper ta keda emfatisa e respet pa opinion, propiedad y derecho di tur hende y of grupo.