Partidonan politico a sinta cu polis riba entrega di lista politico

ORANJESTAD – Partidonan politico a sinta cu polis awe merdia, pa delibera riba e detayenan pa entrega di lista pa diabierna awor. Cada uno a informa di nan situacion, y ningun no tabatin problema pa cu e fecha mes. Vocero di polis mes tabata hopi contento con tur cos ta bay, y no ta premira mucho problema diabierna. Pa loke ta e horario di entrega, Lacle no por bisa nada mirando cu esey no ta nan ‘prerogativo’. Nan tin cu djies percura pa e orden publico y no ken ta entrega lista ki ora. Tambe a bisa NoticiaCla cu ningun partido no a haya nan permiso ainda, pero ta kere cu esey lo cambia diahuebs merdia ora cu partidonan sinta individualmente cu polis pa splica nan e detaye di nan plan. Esaki ta duna e partidonan mas privacidad pa cu nan ‘plan’, y cu e otro ‘no ta haya sa’ kico e otro. Foto cortesia Lito Lacle